ლონდონის საფონდო ბირჟაზე ქართული კომპანიების აქციების ფასი დაეცა

ლონდონის საფონდო ბირჟაზე ბოლო, 27 დეკემბრის ვაჭრობის შედეგად, „თიბისი ბანკის“, „საქართველოს ბანკისა“ და „საქართველოს კაპიტალის“ აქციების ფასი დაეცა.

რა ღირს ქართული კომპანიების აქციები ლონდონის საფონდო ბირჟაზე

„საქართველოს ბანკის“ (BGEO) აქციების ღირებულება 2.13%-ით შემცირდა. ამჟამად ერთი აქციის ღირებულება 46.00 გირვანქა სტერლინგს შეადგენს. კომპანიის საბაზრო კაპიტალიზაცია 2.08 მილიარდი სტერლინგია.

TBC PLC-ის აქციების ღირებულების კლებამ 2.86% შეადგინა. ბანკის ერთი აქცია 30.55 გირვანქა სტერლინგი ღირს. კომპანიის საბაზრო კაპიტალიზაციამ კი 1.77 მილიარდ გირვანქა სტერლინგს გადააჭარბა.

„საქართველოს კაპიტალის“ (CGEO) აქციების ღირებულება 0.17%-ით დაეცა, შედეგად, ერთი აქციის ფასი 11.72 გირვანქა სტერლინგი გახდა. კომპანიის საბაზრო კაპიტალიზაცია ამჟამად 464 მილიონ გირვანქა სტერლინგს შეადგენს.