ჩინეთიდან იმპორტი საქართველოდან ექსპორტს თითქმის 6-ჯერ აღემატება - რას ვყიდით და ვყიდულობთ
ჩინეთიდან იმპორტი საქართველოდან ადგილობრივი პროდუქციის ექსპორტს თითქმის 6-ჯერ აღემატება. საქსტატის მონაცემებით, 2024 წლის ბოლო, იანვარ-ნოემბრის მონაცემებით საქართველომ ჩინეთში 1.767 მლრდ დოლარის პროდუქტი იყიდა, 253.795 მლნ დოლარის კი გაყიდა.
აღსანიშნავია ისიც, რომ 2024 წლის 11 თვის განმავლობაში ორ ქვეყანას შორის სავაჭრო ბრუნვა 16%-ით გაიზარდა. უფრო კონკრეტულად, თუ 2023 წლის იანვარ-ნოემბერში ბრუნვის მოცულობა შეადგენდა 1.521 მლრდ დოლარს, 2024 წელს ეს მაჩვენებელი 1.767 მლრდ დოლარამდე გაიზარდა. შესაბამისად, გაიზარდა როგორც ადგილობრივი საქონლის ექსპორტი, ასევე იმპორტიც. 2023 წლის 11 თვეში იმპორტმა 1.238 მლრდ დოლარი შეადგინა, ექსპორტმა კი 246.120 მლნ დოლარი.
„ბიზნესპრესნიუსი“ გთავაზობთ, 5 პროდუქტს, რომელსაც ყველაზე დიდი რაოდენობით ვყიდით და ვყიდულობთ ჩინეთში.
top-5 ექსპორტირებული პროდუქტი (ადგილობრივი ექსპორტი, 2024 წლის იანვარ-ნოემბერი):
- მადნები და კონცენტრატები ძვირფასი ლითონებისა - 172.150 მლნ დოლარი
- მადნები და კონცენტრატები სპილენძის - 32.088 მლნ დოლარი
- კოჭა, ზაფრანა, ურცი, დაფნის ფოთოლი, კარი და სხვა სანელებლები - 27.227 მლნ დოლარი
- ყურძნის ნატურალური ღვინოები - 8.225 მლნ დოლარი
- ნარჩენები და ჯართი სპილენძისა - 7.115 მლნ დოლარი
top-5 იმპორტირებული პროდუქტი: (2024 წლის იანვარ-ნოემბერი):
- ბრტყელი ნაგლინი ნახშირბადიანი ფოლადისაგან სიგანით 600 მმ ან მეტი - 49.251 მლნ დოლარი
- სატვირთო ავტომობილები - 49.250 მლნ დოლარი
- რეზინის პნევმატური სალტეები და საბურავები, ახალი - 48.262 მლნ დოლარი
- მოწყობილობები ჰაერის კონდიცირებისათვის - 43.277 მლნ დოლარი
- გამომთვლელი მანქანები და მათი ბლოკები - 37.902 მლნ დოლარი