თეთრი კარკასის ფასი გაზრდილია - თბილისის რომელ უბანშია კვადრატული თეთრი კარკასი ყველაზე ძვირი/იაფი?
თბილისში 2024 წლის ნოემბერში წინა წლის ანალოგიურ პერიოდთან შედარებით, თეთრი კარკასის ფასი ყველა უბანში გაიზარდა. ამის შესახებ „გალთ ენდ თაგარტის“ უძრავი ქონების სექტორის მიმოხილვაშია აღნიშნული.
კვლევის თანახმად, 2024 წლის ნოემბერში, ოფიციალურ რეგისტრაციებზე დაყრდნობით, თბილისში სულ 3 513 ტრანზაქცია დაფიქსირდა, რაც წლიურად 6.5%-იანი ზრდაა. ამავე მონაცემების თანახმად, 2024 წლის ნოემბერში თბილისში სულ 282.6 მლნ აშშ დოლარის ღირებულების ბინები გაიყიდა, რაც წლიურად 18.2%-იანი ზრდაა.
რაც შეეხება თეთრ კარკასს, როგორც მიმოხილვაშია აღნიშნული, დედაქალაქში უბნების მიხედვით, თეთრი კარკასის ფასი წლიურ ჭრილში 6%-13%-ის ფარგლებშია გაზრდილი.
უფრო კონკრეტულად, კვლევის თანახმად, უძრავი ქონების ფასები პირველადი ბაზრის თეთრი კარკასის ბინებზე (კვადრატული მეტრის) უბნების მიხედვით, 2024 წლის ნოემბერში ასეთი იყო:
- ვაკე - 2 378 აშშ დოლარი (წლიური ზრდა - 12%);
- საბურთალო - 1 534 აშშ დოლარი (წლიური ზრდა - 6%);
- კრწანისი - 1 533 აშშ დოლარი (წლიური ზრდა - 8%);
- დიდუბე - 1 379 აშშ დოლარი (წლიური ზრდა - 10%);
- ისანი - 1 203 აშშ დოლარი (წლიური ზრდა - 9%);
- ნაძალადევი - 1 157 აშშ დოლარი (წლიური ზრდა - 8%);
- სამგორი - 1 059 აშშ დოლარი (წლიური ზრდა - 13%);
- გლდანი - 1 029 აშშ დოლარი (წლიური ზრდა 8%)-;
- დიდი დიღომი - 1 028 აშშ დოლარი (წლიური ზრდა - 11%);
- ვაშლიჯვარი - 991 აშშ დოლარი (წლიური ზრდა - 13%).
ცნობისთვის, როგორც კვლევაშია აღნიშნული, პროექტების მცირე რაოდენობის გამო, უბნების ჩამონათვალში მთაწმინდა და ჩუღურეთი არ არის გათვალისწინებული.
