ქვეყნები, სადაც კარტოფილი ყველაზე ძვირი/იაფია - როგორია საქართველოს მაჩვენებელი
Numbeo-ს 96 ქვეყნის განახლებული რეიტინგის მიხედვით, 1 კგ. კარტოფილის ფასი მარკეტებში ყველაზე ძვირი სამხრეთ კორეაში, ყველაზე იაფი კი პაკისტანშია. კერძოდ, სამხრეთ კორეაში კარტოფილის საშუალო ფასი 3.49 დოლარს, პაკისტანში კი 38 ცენტს შეადგენს.
ქვეყნები, სადაც 1კგ კარტოფილის ფასი მარკეტებში ყველაზე მაღალია:
- სამხრეთ კორეა - 3.49 დოლარი;
- ამერიკის შეერთებული შტატები - 2.94 დოლარი;
- კოსტა რიკა - 2.72 დოლარი;
- იაპონია - 2.56 დოლარი;
- კანადა - 2.54 დოლარი.
5 ქვეყანა, სადაც მარკეტებში კარტოფილი ყველაზე იაფია:
- პაკისტანი - 38 ცენტი;
- ბანგლადეში - 41 ცენტი;
- ინდოეთი - 41 ცენტი;
- ნეპალი - 45 ცენტი;
- ბელარუსი - 46 ცენტი.
რეიტინგში საქართველო 83-ე ადგილს იკავებს, კვლევის მიხედვით 1 კგ კარტოფილი მარკეტებში საშუალოდ 62 ცენტი ღირს. საქართველოზე ძვირია კარტოფილი სომხეთსა და აზერბაიჯანში. უფრო კონკრეტულად, 77 ადგილზე მყოფ სომხეთში კარტოფილის საშუალო ფასი მარკეტებში 74 ცენტს შეადგენს, ხოლო მე-80 ადგილზე მყოფ აზერბაიჯანში - 65 ცენტს. ამასთანავე, მეზობელ ქვეყნებს შორის კარტოფილი ყველაზე იაფი თურქეთსა (85-ე ადგილი, 54 ცენტი) და რუსეთშია (91-ე ადგილი, 48 ცენტი).
