რა ეღირება Guns N' Roses-ის კონცერტზე დასასწრები ბილეთები
საქართველოში Guns N' Roses-ის კონცერტის ბილეთების გაყიდვა 20 იანვარს, 11:00 საათზე დაიწყება. როგორც black sea arena-ს მიერ გავრცელებულ განცხადებაშია ნათქვამი, ბილეთები პლატფორმა TKT.ge-ზე იქნება ხელმისაწვდომი.
მათივე ინფორმაციით, Guns N' Roses-ის კონცერტზე დასასწრები ბილეთის ფასები იქნება:
- 280 ლარი - star ring-ი,
- 450 ლარი orbit (სცენასთან ყველაზე ახლოს),
- ხოლო vip ადგილების საფასური 1000 ლარია.
შეგახსენებთ, რომ Guns N' Roses-ი საქართველოში კონცერტს 30 მაისს, შეკვეთილში გამართავს. თუმცა, საქართველოში დაგეგმილი კონცერტის შესახებ ინფორმაცია ჯერ კიდევ 2024 წლის დეკემბერში როკ ბენდის ოფიციალურ საიტზე გავრცელდა.
უფრო ზუსტად, "ბლექ სი არენას" ცნობით, კონცერტი"ციცინათელას" გასართობის პარკის ტერიტორიაზე გაიმართება.
ცნობისთვის, "ბლექ სი არენამ" ჯერ კიდევ 2024 წლის 23 ნოემბერს დაანონსა, რომ 2025 წლის 30 მაისს სწორედ "ციცინათელა" უმასპინძლებდა ღონისძიებას, თუმცა, არ დაუკონკრეტებიათ თუ ვისი კონცერტი გაიმართებოდა.
