"მივიღეთ რთული გადაწყვეტილება" - რესტორანი "აბგა" დროებით დაიხურა
მივიღეთ რთული გადაწყვეტილება, დროებით დავხუროთ კარი", - ამის შესახებ რესტორანი "აბგა" სოციალურ ქსელში ავრცელებს განცხადებას.
"ბიზნესპრესნიუსი" გთავაზობთ რესტორნის განცხადებას:
"მივიღეთ რთული გადაწყვეტილება"
"ძვირფასო სტუმრებო!
საქართველოში არსებული ვითარების გამო, ჩვენ მივიღეთ რთული გადაწყვეტილება, რომ 1 თებერვლიდან, დროებით დავხუროთ ჩვენი კარი.
გული გვწყდება ამ ინფორმაციის გაზიარება რომ გვიწევს, მაგრამ გვჯერა, რომ მალე დავუბრუნდებით სასურველ რიტმს.
ჩვენ ვაფასებთ თქვენს გაგებასა და მხარდაჭერას ამ რთულ დროს და მოუთმენლად ველით ჩვენს ხელახალ შეხვედრას," - ნათქვამია განცხადებაში.