10 ქვეყანა, სადაც რძე ყველაზე ძვირი/იაფია - რომელ ადგილზეა საქართველო
Numbeo-მ მიმდინარე წლის რძის ფასების ინდექსი განაახლა. მონაცემების მიხედვით, 127 ქვეყანას შორის საქართველო მე-31 ადგილზე მოხვდა. კვლევის თანახმად, საქართველოში 1 ლიტრი რძე საშუალოდ 1.81 დოლარი ღირს.
აღსანიშნავია ისიც, რომ ამავე მონაცემების მიხედვით, მეზობელ ქვეყნებს შორის საქართველოში რძე ყველაზე ძვირია, ყველაზე იაფი კი თურქეთშია, სადაც 1 ლიტრის საშუალო ფასი 92 ცენტს (110-ე ადგილი) შეადგენს.
რაც შეეხება სხვა მეზობელ ქვეყნებს, მათი ფასები ასე გამოყურება: სომხეთი (46-ე ადგილი) - 1.57 დოლარი; აზერბაიჯანი (71-ე ადგილი) - 1.3 დოლარი; რუსეთი (109-ე ადგილი) - 94 ცენტი.
1 ლიტრი რძის სიძვირის მიხედვით, ათეული ასე გამოიყურება:
- გაიანა - 3.55 დოლარი;
- ბარბადოსი - 3.53 დოლარი;
- იამაიკა - 3.39 დოლარი;
- ჰონგ კონგი (ჩინეთი) - 3.10 დოლარი;
- ტაივანი - 2.92 დოლარი;
- კუბა - 2.86 დოლარი;
- ნიგერია - 2.79 დოლარი;
- სინგაპური - 2.76 დოლარი;
- მაკაო (ჩინეთი) - 2.69 დოლარი;
- განა - 2.67 დოლარი;
კვლევის თანახმად, 1 ლიტრი რძე ყველაზე იაფი შემდეგ ათ ქვეყანაშია:
- ტუნისი - 45 ცენტი;
- ირანი - 62 ცენტი;
- უგანდა - 67 ცენტი;
- ინდოეთი - 69 ცენტი;
- ბელარუსი - 71 ცენტი;
- ბანგლადეში - 72 ცენტი;
- ნეპალი - 74 ცენტი;
- ტაჯიკეთი - 79 ცენტი;
- პაკისტანი - 80 ცენტი;
- სირია - 80 ცენტი.
