საქმიანობები, სადაც ყველაზე დაბალი და მაღალი ხელფასებია საქართველოში
„2024 წლის მე-4 კვარტალში საშუალო თვიური ნომინალური ხელფასი წლიურად 8.5%-ით გაიზარდა,“ - ამის შესახებ „საქსტატის“ მონაცემებზე დაყრდნობით, „გალთ ენდ თაგარტი“ წერს.
მათივე ცნობით, საანგარიშო პერიოდში, ყველაზე მაღალი საშუალო თვიური ხელფასი შემდეგ 4 დარგში დაფიქსირდა:
- ინფორმაციისა და კომუნიკაციის დარგში - 4008 ლარი (-7.0% წ/წ) ;
- ფინანსური და სადაზღვევო საქმიანობა - 3373 ლარი (+8.5% წ/წ);
- მშენებლობა - 3362 ლარი (+9.8% წ/წ);
- პროფესიული და სამეცნიერო საქმიანობები - 3259 ლარი (11.6% წ/წ).
ამასთან, 2024 წლის მე-4 კვარტალში ყველაზე დაბალი საშუალო თვიური ხელფასი შემდეგ სექტორებსი იყო:
- განათლების სფეროში - 1409 ლარი (+21.8% წ/წ);
- წყალმომარაგების სისტემაში - 1506 ლარი (+14.1% წ/წ);
- სოფლის მეურნეობაში - 1698 ლარი (+16.5%).
რაც შეეხება სრულად 2024 წლის მონაცემებს, საქსტატის წინასწარი შეფასებით, გასულ წელს საშუალო თვიური ხელფასი, წლის ჭრილში, 16.5%-ით გაიზარდა (რეალური ხელფასის ზრდა 15.2%) და 2 059 ლარი შეადგინა.
მოამზადა: ირაკლი ფოფხაძემ