თბილისი-ჟენევის მიმართულებით პირდაპირი ფრენები დაიწყო - როგორია ბილეთის ფასი
საქართველოსა და შვეიცარიას შორის პირდაპირი ფრენები დღეიდან დაიწყო.
ჟენევა-თბილისი-ჟენევის მიმართულებით დაბალბიუჯეტური ავიაკომპანია easyJet იფრენს. ფრენები კვირაში ორი სიხშირით, ორშაბათსა და ხუთშაბათს შესრულდება.
easyJet-ის ვებ-გვერდზე მოცემული მონაცემებით, 1 გზის ფასი თბილისი-ჟენევის მიმართულებით 38-95 გირვანქა სტერლინგის ფარგლებში მერყეობს.
აღსანიშნავია ისიც, რომ აპრილიდან easyJet პირდაპირ ფრენებს იწყებს თბილისი-მილანისა და თბილისი-ლონდონის მიმართულებითაც.
რაც შეეხება ფასებს, ლონდონის მიმართულებით ერთი გზის ფასი 36-59 გირვანქა სტერლინგის, ხოლო მილანის მიმართულებით 52-101 გირვანქა სტერლინგის ფარგლებშია.
