Galt&Taggart-მა 2025 წლის ინფლაციის პროგნოზი 3.9%-დან 3.7%-მდე შეამცირა
Galt & Taggart-მა 2025 წლის ინფლაციის პროგნოზი 3.7%-მდე შეამცირა, - ამის შესახებ მათ მიერ მომზადებულ თვის მიმოხილვაშია აღნიშნული.
"2025 წლის თებერვალში, საქართველოში წლიური ინფლაცია 2.4%-მდე გაიზარდა, იანვარში დაფიქსირებული 2%-იანი ინფლაციის შემდეგ. ეს სხვაობა, ძირითადად, შიდა ინფლაციის ზრდით იყო განპირობებული. ასევე, იმპორტის ინფლაციის ზრდითაც. ამავდროულად, შერეული საქონლის ინფლაციის დინამიკა ოდნავ შენელდა 2025 წლის თებერვალში და წლიური 3.1% დაფიქსირდა, იანვარში კი ეს მაჩვენებელი 3.5% იყო.
ამ ყველაფრის ფონზე, „გალტ&თაგარტი“ პროგნოზირებს, რომ 2025 წელს საშუალო წლიური ინფლაციის მაჩვენებელი იანვარში ნავარაუდევი 3.9%-ის ნაცვლად, 3.7% იქნება," - ვკითხულობთ თვის მიმოხილვაში.
