რომელი პროდუქტები თავისუფლდება ტრამპის ახალი ტარიფებისგან - თეთრი სახლის სია
თეთრმა სახლმა გარკვეული საქონლის სია გამოაქვეყნა, რომლებიც ახალი ტარიფებისგან თავისუფლდება.
ინფორმაციას CNBC ავრცელებს.
კერძოდ, ახალი ტარიფები, რომლებიც 5 აპრილიდან ამოქმედდება, არ შეეხება შემდეგ პროდუქციას:
- ფარმაცევტული პროდუქტები
- ნახევარგამტარები
- ხის მასალა
- სპილენძი და ოქრო
- ენერგეტიკული რესურსები და მინერალები, რომლებიც აშშ-ში მიუწვდომელია
ამასთან, ალუმინის და ფოლადის პროდუქტები, ავტომობილები და ავტოკომპონენტები, ასევე, გათავისუფლებულია ახალი ტარიფებისგან, რადგან მათზე წინა ტარიფები ისედაც მოქმედებს.
ექსპერტების შეფასებით, ამ სატარიფო სტრატეგიაში ინდოეთის ფარმაცევტული სექტორი ყველაზე მომგებიან პოზიციაზეა, რადგან ქვეყანა აშშ-დან 800 მლნ დოლარის ფარმაცევტული პროდუქციის იმპორტს ეწევა, ხოლო ამერიკის ბაზარზე ექსპორტით 8,7 მლრდ დოლარის ფარმაცევტული პროდუქტი გააქვს. შედეგად ინდოეთის ფარმაცევტულმა სექტორმა ახალი ტარიფები თავიდან აიცილა და ინდურ ფარმაკოლოგიურ პროდუქციას აშშ არანაირ გადასახადს არ აკისრებს, მაშინ, როცა ინდოეთში ამერიკულ ფარმაცევტულ იმპორტზე 10%-იანი გადასახადი მოქმედებს.
მოამზადა ლადო სულაბერიძემ