„ამ 4 ქვეყანას ტარიფები ამიტომ არ დაუწესდა“ - თეთრ სახლში განმარტება გააკეთეს
„რუსეთი და კიდევ რამდენიმე სახელმწიფო ისედაც დასანქცირებულნი არიან, ტარიფებიც მათზე სწორედ ამიტომ არ ვრცელდება“, - განმარტავს თეთრი სახლის ოფიციალური წარმომადგენელი, ჯასმინ რაითი.
ტრამპის მიერ სპეციალური სავაჭრო ტარიფები შტატების პარტნიორ 180 ქვეყანას დაუწესდა, სიაში მხოლოდ რუსეთი, ბელარუსი, კუბა და ჩრდ. კორეა არ არიან.
რაითის თქმით, აშშ ამ ქვეყნებთან ბოლო წლებში ისედაც მკვეთრად შეზღუდული სავაჭრო ურთიერთობით შემოიფარგლება.
მეორე მხრივ, აშშ მძიმე ემბარგოებითა და სანქციებით ურთიერთობს ირანთან და სირიასთანაც, თუმცა პირველ მათგანს - 10%-იანი, ხოლო მეორეს 40%-იანი სატარიფო გეგმა შეეხო.
