"ვმუშაობთ იმაზე, რომ Tik Tok-ი გადარჩეს" - ტრამპმა ჩინური პლატფორმის აშშ-ში არსებობა კიდევ 75 დღით გაახანგრძლივა
„ჩემი ადმინისტრაცია ძალიან აქტიურად მუშაობს იმაზე, რომ Tik Tok-ი გადარჩეს და ამ კუთხით უზაზმაზარი პროგრესი გვაქვს“, - წერს დონალდ ტრამპი სოციალურ ქსელში.
Associated Press-ის ცნობით, აშშ-ის პრეზიდენტმა ხელი მოაწერა ბრძანებას, რომლის მიხედვითაც Tik Tok-ი ქვეყანაში კიდევ 75 დღით შენარჩუნდება, რათა მოიძებნოს ისეთი მყიდველი, რომ პლატფორმა ამერიკელთა ხელში იყოს და არა - ჩინელების. სხვა შემთხვევაში, ქვეყნის მასშტაბით მასზე წვდომა სრულად შეიზღუდება.
„გარიგება მოითხოვს მეტ შრომას, რათა უზრუნველვყოთ ყველა საჭირო პუნქტზე შეთანხმება, რის გამოც ვაწერ ხელს ბრძანებას, რათა ჩვენს ქვეყანაში Tik Tok-ი შენარჩუნდეს და კიდევ 75 დღის განმავლობაში ფუნქციონირებდეს“, - წერს ტრამპი.
როგორც ვიცით, ტრამპს არ სურს, მის ქვეყანაში მსგავსი ტიპის ჩინური პლატფორმა მოქმედებდეს, რადგან თვლის, რომ არის შანსი, ჩინელებმა ამერიკელთა მონაცემები სხვა მიზნებისთვის გამოიყენონ.
