125-დან 1400 ლარამდე - რა ღირს ტიმბერლეიკის კონცერტის ბილეთები

23 ივლისს „დინამო არენაზე“ გასამართ ჯასტინ ტიმბერლეიკის კონცერტზე დასასწრები ბილეთების ფასი 125-დან 1 400 ლარამდე მერყეობს.

„ბლექ სი არენას“ მიერ გამოქვეყნებული ინფორმაციით, ბილეთების ფასი, კატეგორიების მიხედვით, ასეთი იქნება:

VIP – 1400 ლარი

Orbit – 500 ლარი

Star Ring – 330 ლარი

I კატეგორია - 250; 300 და 500 ლარი

II კატეგორია - 125; 150; 180; 200 და 220 ლარი

ამორტიზირების პრობლემის გამო, „დინამო არენას“ სამხარაულის ეროვნულმა ბიურომ ექსპერტიზა ჩაუტარა და 1-ლი იარუსის 18-დან 6 სექტორის სათანადო მდგომარეობაში მოყვანის აუცილებლობაზე გააკეთა აქცენტი. შესაბამისად, სომხეთის ნაკრებთან 23 მარტს გამართული საფეხბურთო მატჩისას აღნიშნულ სექტორებზე მაყურებლები არ დაიშვებოდნენ.

სტადიონის ადმინისტრაციამ „ბიზნესპრესნიუსს“ დაუდასტურა, რომ ანალოგიური ვითარება იქნება 23 ივლისსაც, რაც იმას ნიშნავს, რომ ტრიბუნებზე ისევ დაახლოებით 4 000-ით ნაკლებ მაყურებელს დაუშვებენ.

ოფიციალური მონაცემებით, „დინამო არენა“ 54 139 ადამიანს იტევს, ტიმბერლეიკის კონცერტისას კი დაახლოებით 50 000 ადგილი იქნება გამოყოფილი.