პანიკის საფუძველი არ გვაქვს, ეს არაა ის დოზები, ადამიანის ჯანმრთელობას ზიანი მიაყენოს - ირაკლი არაბული

„შემოწმდა მრავალი სახეობის რძე, რომლებსაც კონკრეტულად ის ბიზნეს ოპერატორი აწარმოებდა და მხოლოდ 5 დასახელების ნიმუშში აღმოჩნდა ტოქსიკური ნივთიერება, თუმცა ძალიან მცირე რაოდენობით“, - ამის შესახებ სურსათის უვნებლობის სპეციალისტმა, ირაკლი არაბულმა „პალიტრანიუსის“ გადაცემაში „360 გრადუსი“ განაცხადა.

„რაც შეეხება აღნიშნულ სახეობებში ტოქსინების დოზებს, საქართველოს კანონმდებლობით, რომელიც ევროპულ კანონმდებლობასთან ჰარმონიულია, დასაშვები ზღვარი 0.05 გრამია, აღნიშნულ შემთხვევაში კი 0.1-დან 0.3 გრამამდე დაფიქსირდა. საქართველოში ეს დასაშვებზე მეტია, მაგრამ საერთაშორისო სტანდარტებით ნორმაა, რადგან მაგალითად, აშშ-ში, იაპონიასა და ბრაზილიაში ეს ზღვარი 0.5 გრამი გახლავთ - ჩვენსაზე 10-ჯერ უფრო მეტი.

შესაბამისად, პანიკის საფუძველი არ გვაქვს, რადგან აღმოჩენილი რაოდენობები არაა იმ დოზით, რომ ადამიანის ჯანმრთელობას ზიანი მიაყენოს“, - აღნიშნა სურსათის უვნებლობის სპეციალისტმა.