2025 წლის 100 საუკეთესო კერძი გამოვლინდა - რომელი ქართული კერძი მოხვდა რეიტინგში
კულინარიულმა გამოცემა TasteAtlas-მა, რომელიც მსოფლიო გასტრონომიის ერთგვარ საზომად მიიჩნევა, 2025 წლის საუკეთესო 100 კერძი დაასახელა.
ას საუკეთესო კერძს შორის პირველი ადგილი კოლუმბიურმა ლეჩონამ დაიკავა. უფრო კონკრეტულად, საუკეთესო კერძების ათეული ასე გამოყურება:
- კოლუმბია - Lechona;
- იტალია - Pizza Napoletana;
- ბრაზილია - Picanha;
- ალჟირი - Rechta;
- ტაილანდი - Phanaeng Curry;
- არგენტინა - Asado;
- თურქეთი - Çökertme kebabı;
- ინდონეზია - Rawon;
- თურქეთი - Cağ kebabı;
- ეთიოპია - Tibs.
რაც შეეხება საქართველოს, მსოფლიოს ას საუკეთესო კერძს შორის მხოლოდ ხაჭაპური მოხვდა. რეიტინგში ხაჭაპური 5 ბალიანი სისტემიდან 4.5-ქულით შეფასებით 46-ე ადგილს იკავებს.
გამოცემა წერს, რომ საქართველოში ხაჭაპური ყველაზე გავრცელებული კერძია. ტრადიციულად ხაჭაპური მზადდება ყველის, კარაქისა და კვერცხისგან. გამოცემა აღნიშნავს, რომ ხაჭაპური დაახლოებით 11 სახეობა არსებობს საქართველოში, კერძოდ: იმერული ხაჭაპური, აჭარული ხაჭაპური, გურული ხაჭაპური, მეგრული ხაჭაპური, ოსური ხაჭაპური, რაჭული ხაჭაპური, მესხური ხაჭაპური, სვანური ხაჭაპური, ფენოვანი ხაჭაპური, აჩმა და თუშური ხაჭაპური.
