ჩინეთმა ამერიკულ საქონელზე დამატებითი ტარიფები დააწესა, - ამის შესახებ გამოცემა „როიტერსი“ წერს.
მათივე ცნობით, ხუთშაბათიდან, 10 აპრილიდან, ამერიკულ საქონელზე 84%-იანი ტარიფები ძალაში შევა.
ცნობისთვის, იქამდე პეკინის მიერ აშშ-სთვის დაწესებული იყო 34%-იანი ტარიფები.
ამასთანავე, „როიტერსის“ ცნობით, ჩინეთის ვაჭრობის სამინისტრომ განაცხადა, რომ დამატებით 12 ამერიკული სუბიექტი ექსპორტის კონტროლის სიაში შეიყვანეს, ხოლო 6 პირი „არასანდო სუბიექტების“ ჩამონათვალში.
შეგახსენებთ, ამერიკის შეერთებული შტატების პრეზიდენტმა დონალდ ტრამპმა გასულ კვირას ჩინეთს დამატებით 34%-იანი ტარიფები დაუწესა. მალევე პეკინმა განაცხადა, რომ საპასუხოდ აშშ-ს 34%-იან ტარიფებს დაუწესებდა.
მოგვიანებით ტრამპმა განაცხადა, რომ იმ შემთხვევაში თუ ჩინეთი უკან არ წაიღებდა ტარიფებს, ამერიკა პეკინის წინააღმდეგ დაწესებულ ტარიფებს 104%-მდე გაზრდიდა.
აღნიშნულზე ჩინეთმა უარი განაცხადა. ამერიკის მიერ ჩინეთისთვის დაწესებული 104%-იანი ტარიფები კი დღეს, 9 აპრილს შევიდა ძალაში.
