2015 წლის ყველაზე ძვირად ღირებული სუნამო
სუნამოების „ოსკარად“ წოდებულ, 2015 წლის Fragrance Foundation Awards-ზე გასული წლის საუკეთესო სუნამოები დააჯილდოეს.
ნიუ იორკში გამართული ცერემონია Dior-ის ტრიუმფით დასრულდა, რომელმაც ოთხ კატეგორიაში გაიმარჯვა. თუმცა სხვადასხვა ნომინაციებში პრესტიჟული ჯილდოები მოიპოვეს Tom Ford-მა, Hermes -მა და Marc Jacobs -მა.
წლის ყველაზე ძვირადღირებულ ქალის სუნამოდ ტომ ფორდის Velvet Orchid დასახელდა, რომელიც 165 დოლარი ღირს. მამაკაცის პრემიუმ კლასის სუნამოების კატეგორიაშიც გამარჯვება ტომ ფორდის Mandarino Di Amalfi-ს ერგო.
საუკეთესო მედია კამპანიის კატეგორიაში Dior-ის სახლმა პირველობა არავის დაუთმო. მომხმარებლების მიერ ხმის მიცემით გამოვლენილ სუნამოს შორის დასახელდა Marc Jacobs -ის DAISY DREAM.
დაჯილდოების ცერემონიაზე ასევე გაიცა სპეციალური ჯილდოები სხვადასხვა ნომინაციებში, რომლის მფლობელებიც გახდნენ სუნამო J'ADORE, CHRISTIAN DIOR-ისგან და კომპანია ESTEE LAUDER-ის პრეზიდენტი ჯონ დემსი.
გამარჯვებულების ჩამონათვალი ასე გამოიყურება:
წლის ქალის ძვირად ღირებული სუნამო: Tom Ford – Velvet Orchid
წლის ქალის პრესტიჟული სუნამო: Giorgio Armani - Si Eau de Parfum
წლის ქალის პოპულარული სუნამო: Taylor Swift - Incredible Things
წლის კაცის ძვირად ღირებული სუნამო: : Tom Ford - Mandarino Di Amalfi
წლის კაცის პრესტიჟული სუნამო: Dior - Homme Eau for Men
წლის კაცის პოპულარული სუნამო: Modern Banana Republic Man
წლის შეფუთვა (ქალის სუნამო): Marc Jacobs - Daisy Dream
წლის შეფუთვა (კაცის სუნამო): Intoxicated by Kilian
წლის მედიაკამპანია (ქალის): J'Adore, Christian Dior
წლის მედიაკამპანია (კაცის): Dior Homme Eau for Men
წლის ინტერიერის სურნელი: Hermes Le Parfum de la Maison
წლის სააბაზანო და საშხაპე ნაკრები: Hermes Le Bain
წლის „დამოუკიდებელი“ სუნამო: Intoxicated by Kilian
წლის ექსტრაორდინალური სუნამო: International Flavors & Fragrances Perfume Calligraphy Saffron
მომხმარებელთა არჩევანი (პრესტიჟული): Marc Jacobs Daisy Dream
მომხმარებელთა არჩევანი ( პოპულარული): Bath & Body Works A Thousand Wishes
დიდების დარბაზი (სუნამო): J'Adore, Christian Dior
დიდების დარბაზი: ჯონ დემსი, Estee Lauder Group-ის პრეზიდენტი
ცხოვრებისეული მიღწევისთვის: ენი ბუზანტიანი (პარფიუმერი)
კოკა კვირკველია