ლარის კურსი ევროსთან მიმართებაში 243 პუნქტით დაეცა
ლარის ოფიციალური გაცვლითი კურსი დღეს დოლართან მიმართებაში სარეკორდო მაჩვენებლით, 134 პუნქტით დაეცა და 1.7196 ნიშნულს მიაღწია. ლარის ასეთი დაბალი ღირებულება ბოლოს 2011 წლის მარტში დაფიქსირდა.
ნოემბრიდან დღემდე ის 2,8%-ით, ხოლო წლის დასაწყისიდან 3,4% -ით გაუფასურდა.
თუმცა, გაცილებით სერიოზული დევალვაცია - 243 პუნქტით - დღეს ეროვნულმა ვალუტამ ევროს მიმართ განიცადა და ასევე ორწლიან მაქსიმუმს, 2.3632 ნიშულს მიაღწია.
ევროსთან მიმართებაში ლარი ნოემბრიდან 4%-ით, ხოლო წლის დასაწყისიდან 7,5% -ით გაუფასურდა.
საქართველოს ეროვნული ბანკი და ფინანსთა სამინისტრო ლარის კურსის დაცემაში საფრთხეს ვერ ხედავენ. საფინანსო უწყებებში ეროვნული ვალუტის დევალვაციას სეზონურ ფაქტორებს უკავშირებენ.