ოქროს ფასმა ბოლო სამ კვირაში უმაღლეს ნიშნულს მიაღწია

პარასკევს, 22 დეკემბერს ოქროს ფასმა ბოლო სამ კვირაში უმაღლეს ნიშნულს მიაღწია, რაც გამოწვული იყო დოლარის კურსისა და ობლიგაციების შემოსავალთა დაცემით, რასაც წინ ინფლაციის მაღალი მაჩვენებელი უძღოდა. Spot ოქრო 0.8%-ით გაიზარდა და მან 2061.60 აშშ დოლარს მიაღწია უნციაზე, ხოლო აშშ-ის ოქროს Futures, იგივე XAUUSD 1.1%-ით გაიზარდა და მისმა ფასმა 2073.70 დოლარი შეადგინა.

შეგახსენებთ, რომ მიმდინარე წლის 4 დეკემბერს, ოქროს ფასმა ისტორიულ, 2 135-დოლარიან ნიშნულს მიაღწია, რაც გამოწვეული იყო ინფლაციის შემცირებით და შემდგომი შესაძლო სპეკულაციებით.

Kinesis Money-ის ბაზრის ანალიტიკოსი, კარლო ალბერტო დე კაზა Reuters-თან საუბრისას აცხადებს, რომ ოქროს ფასის მიმართ არსებული მოლოდინები კვლავ მეტად პოზიტიურია. არსებობს 2070- დოლარიანი წინააღმდეგობის დონე და კარგ შემთხვევაში, მისი ფასი კვლავ 2130 დოლარს მიაღწევს.

რაც შეეხება სხვა ლითონებს - ერთ უნციაზე, ვერცხლის ფასი 0.4%-ით გაიზარდა და 24.495 აშშ დოლარი შეადგინა. პლატინის ფასი 0.7%-ით, 969.99 დოლარამდე გაიზარდა, პალადიუმი კი 0.7%-ით, 1222.33 დოლარამდე.

აქედან გამომდინარე, ჩამოთვლილი ლითონების ფასმა, ოქროს მსგავსად, ბოლო სამ კვირაში ფასის უმაღლეს ნიშნულს მიაღწიეს.