465-დან 6 800 დოლარამდე - რომელია და სად იწარმოება ყველაზე ძვირად ღირებული თაფლი მსოფლიოში

როგორც ყველამ ვიცით, თაფლს ფუტკარი აწარმოებს. ისინი აგროვებენ ნექტარს ყვავილებიდან და აქცევენ მას ჯადოსნურ სიროფად, რომელიც სავსეა ანტიოქსიდანტებით, ფერმენტებით, ვიტამინებით და სხვა მინერალებით. რაც უფრო სუფთაა გარემო, მით უკეთესია თაფლის ხარისხი. ამიტომ, სამრეწველო სოფლის მეურნეობისა და პესტიციდების გარეშე ტერიტორიები იდეალური ადგილია საუკეთესო თაფლის წარმოებისთვის.

ბუნების ოქროს ელექსირს - თაფლს, წარმოუდგენელი სასარგებლო თვისებები და კაცობრიობისთვის გადამწყვეტი მნიშვნელობა აქვს. თაფლის საფასური ხარისხის მიხედვით განსხვავდება, თუმცა ზოგიერთი მათგანის მოპოვება იმდენად რთული პროცესია, რომ მისი ფასიც სამნიშნა ნიშნულს აღწევს.

Life Mel Honey

Life Mel Honey-ის შექმნა უნიკალური პროცესია. თაფლს აწარმოებენ ფუტკრები, რომლებიც იკვებებიან სპეციალური საკვები ნარევით და იზრდებიან კონტროლირებად გარემოში, რათა დამტვერვის პროცესი ზედმეტი დამაბინძურებლ;ების გარეშე წარიმართოს.

ის იყენებს ნექტარს, რომელიც მიიღება ისეთი მცენარეებისგან, როგორიცაა ციმბირული ჟენშენი, “ეჩინეცეა“ და “უნკარია ტომენტოსა“.

კილოგრამი Life Mel Honey-ის ღირებულება 465 დოლარია.

Comvita Manuka Honey

UMF Raw Manuka Honey-ის მოსავალს იღებენ კონკრეტულ დროს, წელიწადში ორიდან ექვს კვირამდე. მდელოები მდებარეობს ახალი ზელანდიის შორეულ რაიონებში, სადაც მანუკა ძალიან ცოტა ხნით ყვავის.

Comvita-ს თაფლს 1974 წლიდან აწარმოებენ და მისი ღირებულება წლიდან წლამდე იზრდება. დღეს კილოგრამი Manuka Honey-ის ღირებულება 576 დოლარია.

Himalayan Mad Honey

Himalayan Mad Honey-ის მოსავალს ნეპალში, ლამჯუნგის დამალულ მხარეში წელიწადში ერთხელ იღებენ.

ის მზადდება მსოფლიოში ყველაზე დიდი ფუტკრის, Apis Laboriosa-ს მიერ, რომელიც ნექტარს იღებს ჰიმალაის ტყეებიდან. მტვრის უნიკალური თვისებები ასევე გადადის თაფლში.

კილოგრამი Mad Honey-ის ღირებულება 820 დოლარია.

Cave Honey

Cave Honey ზოგადად იშვიათი და ძვირია მისი წარმოების პროცესის გამო. იგი მზადდება იშვიათი ტიპის ფუტკრისგან, რომელიც ცხოვრობს ბნელ გამოქვაბულებში და იკვებება სამკურნალო ბალახებით, თაფლს ავსებს მინერალებით, როგორიცაა კალიუმი, ფენოლები მაგნიუმი და ანტიოქსიდანტები.

1 კილოგრამი Cave Honey 1775 დოლარი ღირს.

Elvish Honey

მსოფლიოში უიშვიათეს, ყველაზე ძვირად ღირებულ თაფლს Elvish Honey-ის თურქეთის შავი ზღვის რეგიონში აწარმოებენ მღვიმის ფუტკრები.

პროცესი შავი ზღვის მთების უღრან ხეობაში მიმდინარეობს, სადაც მეფუტკრეები ექვს საათიანი ფეხით სიარულის შემდეგ მიდიან. იმის გამო, რომ თაფლს წელიწადში ერთხელ იღებენ, მას მართლაც ულტრა იშვიათი თვისებები აქვს.

კილოგრამი Elvish Honey-ის ღირებულება 6 800 დოლარია.

წყარო: msn.com