საქართველოში მწვანილის იმპორტი 55.3%-ით გაიზარდა - მთავარი მომწოდებელი ირანია
2024 წლის პირველი 6 თვის მონაცემებით, წინა წლის ანალოგიურ პერიოდთან შედარებით, საქართველომ მწვანილის იმპორტი გაზარდა, ხოლო ექსპორტი შეამცირა. ამის შესახებ ინფორმაციას EastFruit-ი ავრცელებს.
როგორც EastFruit-ი კვლევაზე დაყრდნობით წერს, წლის პირველ ნახევარში ქვეყანაში მწვანილის იმპორტი ღირებულებით ნაწილში 55,3%-ით გაიზარდა, ხოლო მოცულობით - 38.5%-ით შემცირდა. მთავარი იმპორტიორი სააანგარიშო პერიოდში ირანი იყო, რომელზეც მთელი იმპორტის - 48,1% მოდიოდა.
რაც შეეება ექსპორტს, გამოცემის ცნობით, საქართველოდან მწვანილის ექსპორტი ღირებულებით ნაწილში 26,3%-ით შემცირდა.
ტოპ-5 ქვეყანა, სადაც 2024 წლის პირველ 6 თვეში საქართველოდან მწვანილის ექსპორტი განხორციელდა, არის:
- უკრაინა - 1 359 ტონა - 1,7 მლნ დოლარის;
- რუსეთი - 530 ტონა - 434 ათასი დოლარი;
- მოლდოვა - 108,5 ტონა - 228,1 ათასი დოლარის;
- რუმინეთი - 68,6 ტონა - 100,5 ათასი დოლარის;
- სომხეთი - 5,7 ტონა - 7,1 ათასი დოლარის.
ტოპ-5 ქვეყანა, საიდანაც 2024 წლის პირველ 6 თვეში საქართველოში მწვანილი შემოვიდა:
- ირანი - 346,3 ტონა - 229,6 ათასი დოლარის;
- სომხეთი - 325,1 ტონა - 197,4 ათასი დოლარის;
- ნიდერლანდები - 6,1 ტონა - 23,7 ათასი დოლარი;
- უზბეკეთი - 15,6 ტონა - 17,1 ათასი დოლარის;
- თურქეთი - 23,6 ტონა - 11,9 ათასი დოლარის.
