კიტრი 66%-ით, კივი 60%-ით - პროდუქტები, რომელიც აგვისტოში ყველაზე მეტად გაძვირდა
2024 წლის აგვისტოში, წინა თვესთან შედარებით, საქართველოში -0.1%-იანი ინფლაცია დაფიქსირდა, ხოლო წლიური ინფლაციის დონე 1% -ით განისაზღვრა. რაც შეეხება საბაზო ინფლაციას, 2024 წლის აგვისტოში, გასული წლის შესაბამის პერიოდთან შედარებით 0.9% იყო, ისევე როგორც თამბაქოს გარეშე წლიური საბაზო ინფლაციის მაჩვენებელი. ამის შესახებ ინფoრმაციას სტატისტიკის ეროვნული სამსახური ავრცელებს.
ამავე სტატისტიკის მიხედვით, წელს აგვისტოში, გასული წლის ანალოგიურ თვესთან შედარებით, პროდუქტებს შორის, ყველაზე მეტად კიტრი, კივი და ნიორი გაძვირდა.
უფრო კონკრეტულად, გთავაზობთ, აგვისტოში გაძვირებული ტოპ-10 საკვები პროდუქტის ჩამონათვალს:
- კიტრი - 66%
- კივი - 60%
- ნიორი - 45.5%
- ჭარხალი - 25%
- მანდარინი - 23.4%
- ბადრიჯანი - 22.3%
- ვაშლი - 19%
- ბრინჯი - 18.9%
- პომიდორი - 18.8%
- ლიმონი - 18.4%
