Geely, Mazda და Auto Gallery - „თეგეტას“ მულტიბრენდული შოურუმი ოფიციალურად გაიხსნა

• პირველი ინტეგრირებული შოურუმი საქართველოში, სადაც ავტომობილები, განსხვავებული იდენტობით, ერთ სივრცეში გაერთიანდა
• საავტომობილო კომპლექსის შთამბეჭდავ პრეზენტაციას 800-ზე მეტი სტუმარი ესწრებოდა

სამი ბრენდის სრული სამოდელო რიგი და საავტომობილო სერვისი ერთ მისამართზე - Tegeta Cars-ის ახალი ინტეგრირებული შოურუმი ოფიციალურად გაიხსნა. საავტომობილო კომპლექსი Tegeta Cars-ში შემავალ კომპანიებს: Geely Sakartvelo-ს, Mazda Center Tegeta-სა და Auto Gallery-ს აერთიანებს. მულტიბრენდული შოურუმი მაქსიმალურად მომხმარებლის კომფორტზეა მორგებული, სადაც სრული საავტომობილო მომსახურების მიღება ერთ სივრცეშია შესაძლებელი.

აღმაშენებლის ხეივნის №152-ში მდებარე კომპლექსის ოფიციალური გახსნის ცერემონიას 800-ზე მეტი სტუმარი დაესწრო. პრეზენტაციისათვის თბილისში ჩამოვიდნენ Geely-სა და Mazda-ს წარმომადგენლები. ღონისძიებას ესწრებოდა იაპონიის საგანგებო და სრულუფლებიანი ელჩი საქართველოში იშიძუკა ჰიდეკი და Mazda Global-ის გაყიდვებისა და მარკეტინგის გენერალური მენეჯერი მასამი იანაგავა.

პეტრე წაქაძე, მსუბუქი ავტომობილების მიმართულების მთავარი ოფიცერი: „მოხარულები ვართ, რომ ჩვენს ქართველ და უცხოელ პარტნიორებსა და მოწვეულ სტუმრებს Tegeta Cars-ის ახალ შოურუმში ვმასპინძლობთ. მთავარი იდეა კომპლექსური მომსახურების შეთავაზება იყო, შესაბამისად, 4,000 m2-მდე სივრცე კონცეპტუალურად დავტვირთეთ: ერთ შენობაში გავაერთიანეთ საექსპოზიციო დარბაზი, სრული ავტოსერვისი და სამუშაო სივრცე ჩვენი თანამშრომლებისათვის. ეს კი იმას ნიშნავს, რომ მომხმარებელი ერთი ვიზიტით მისთვის საჭირო ყველა მომსახურების მიღებას შეძლებს. Geely Sakartvelo-ს, Mazda Center Tegeta-სა და Auto Gallery-ს - Tegeta Cars-ში შემავალ ამ სამ კომპანიას აქამდე ერთმანეთისაგან დამოუკიდებელი შოურუმები ჰქონდათ, სერვისისათვის კი მომხმარებელს „თეგეტას“ სხვადასხვა ფილიალებში უწევდა მისვლა. ეს მოცემულობა სრულად შევცვალეთ. უცვლელი დარჩა თეგეტას სტანდარტი და მხოლოდ ერთი ლოკაცია, სადაც ჩამოთვლილი ბრენდების ავტომფლობელები მათზე მორგებულ მომსახურებას მიიღებენ. ერთგულად მივყვებით „თეგეტა ჰოლდინგის“ მიერ არჩეულ პოლიტიკას და გვსურს, ჩვენს მომხმარებელს ავტომობილის ფლობა მაქსიმალურად გავუმარტივოთ“.

ორსართულიანი შოურუმი მულტიბრენდულია და ოფიციალური გახსნის ცერემონიაც შესაბამისად დაიგეგმა: ღონისძიებაზე სამი ქვეყნის კულტურა გაცოცხლდა. სიმბოლურად ამომავალი მზის ინსტალაციით წარუდგინეს სტუმრების იაპონური ბრენდი Mazda. წინსვლა, მოძრაობა, მომავალი, მდგრადობა - ჩინური ავტოგიგანტის, Geely-ს მოტო კი იეროგლიფებით გამოსახეს. აღმოსავლური მოტივებისაგან სრულიად განსხვავებული სივრცე დახვდათ მოწვეულ სტუმრებს შოურუმის მეორე სართულზე, რომელიც Auto Gallery-ს ეთმობა. კომპანია, ელექტრომობილებთან ერთად წარმოადგენს მოტოციკლეტებისა და off-road ტექნიკის ისეთ ამერიკულ ბრენდებს, როგორიცაა Indian-ი და Polaris-ი. სწორედ ამ ბრენდების კონცეფციის გათვალისწინებით შენობის ეს ნაწილი ამერიკული კულტურის ელემენტებით გაფორმდა.

ელლა კამლაძე, მსუბუქი ავტომობილების ბიზნესის მარკეტინგის ხელმძღვანელი: „Tegeta Cars-ის ახალი საავტომობილო შოურუმის მთავარი მიზანი მომსახურების მაქსიმალურად გამარტივება და მომხმარებლისათვის განსხვავებული გამოცდილების შეთავაზებაა. ამ იდეას მოვარგეთ შოურუმის გახსნის ცერემონიალი და ერთ სივრცეში თავი მოვუყარეთ იმ დეტალებსა და მახასიათებლებს, რომლებიც თითოეული ამ ბრენდის იდენტობას განსაზღვრავს. Mazda-ს სივრცე ამომავალი მზის ინსტალაციით წარმოვაჩინეთ, რომელიც იაპონური კულტურის მთავარი სიმბოლოა. ბრენდი, რომლის ისტორიაც საუკუნეზე მეტს ითვლის, ხელოვნებისა და კულტურის აქტიური მხარდამჭერია. ჩინური კულტურის ელემენტებით, წარმოვადგინეთ ბრენდი Geely. ღონისძიებაზე მოსულ სტუმრებს დახვდათ მითოლოგიური დრაკონის პერფორმანსი. სრულად განსხვავებული სივრცე შევქმენით Auto Gallery-ში. Off-road-თან მიახლოებული გარემო, ექსტრემისა და ადრენალინის მოყვარულებისათვის, ვფიქრობთ, მიმზიდველი აღმოჩნდა“.

საექსპოზიციო დარბაზებთან ერთად გახსნის საზეიმო ცერემონიისთვის შესაბამისად დაიტვირთა ავტოსერვისისათვის გამოყოფილი სივრცე, რომელიც მუსიკალურ პერფორმანსს დაეთმო.

Tegeta Cars-ის შოურუმის გახსნის ღონისძიება სალიზინგო კომპანიების: Tegeta Leasing-ის, TBC Leasing-ის, სადაზღვეო კომპანიების: TBC Insurance-ის, Aldagi-ის პრემიუმ დაზღვევა პრიმო-ს, დეველოპერული კომპანია Idea Development-ისა, მზის პანელების კომპანია Shine Energy-ის, კომპანია GD Alco_სა და „სარაჯიშვილის“ მხარდაჭერით გაიმართა.

შოურუმი და კონცეპტუალური სივრცე

Geely-ს, Mazda-სა და Auto Gallery-ს შოურუმი 4,000 m2-მდე ფართობს მოიცავს. პირველი სართულის ნაწილი Geely Sakartvelo-ს ეთმობა. კომპანია ჩინური ავტოგიგანტის Geely Auto-ს ერთადერთი ავტორიზებული იმპორტიორია საქართველოში.

ამავე სართულს იკავებს Mazda Center Tegeta. კომპანიას, რომელიც საქართველოში იაპონური ბრენდის ოფიციალური წარმომადგენელია, მომხმარებელი 2012 წლიდან კარგად იცნობს.

მეორე სართული კი Auto Gallery-სთვის არის განკუთვნილი. ეს არის Tegeta Cars-ში შემავალი მულტიბრენდული კომპანია, რომელიც საქართველოს ბაზარზე ელექტრომობილებთან ერთად, ისეთი ამერიკული ბრენდების ოფიციალური წარმომადგენელია, როგორებიცაა Polaris, Indian Motorcycle.

თანამედროვე სტანდარტების შოურუმი ევროპული წარმოების მანქანა-დანადგარებით აღიჭურვა. საავტომობილო სერვისისათვის განკუთვნილი უახლესი ხელსაწყოები შვიდ სამუშაო სივრცეში განთავსდა.

სრულად კეთილმოწყობილია გარე ტერიტორიაც. შოურუმის ეზოში გამოყოფილია სივრცე ავტოსადგომის, სამრეცხაოსა და ელექტროდამტენებისათვის.

ახალი შოურუმი, სერვისცენტრთან ერთად, უკვე ფუნქციონირებს, სადაც მომხმარებელს ყოველ სამუშაო დღეს 09:30 საათიდან 18:30-მდე, შაბათს კი 09:30-დან 15:00 საათამდე ემსახურებიან.

--

„თეგეტა ჰოლდინგში“ შემავალი კომპანია Tegeta Cars ბაზარზე 2010 წლიდან ოპერირებს და რეგიონში ავტოსფეროს განვითარებაზე ზრუნავს. მსოფლიოს წამყვან ბრენდებთან პარტნიორობით, როგორიცაა Porsche, Mazda, Toyota, Volvo, Geely, Zeekr, Auto Gallery, Europcar, Polaris, Indian, - კომპანია მუდმივად ზრდის ხელმისაწვდომობას უსაფრთხო, კომფორტულ და ეკომეგობრულ ტრანსპორტზე. განახლებული პორტფელით კი მომხმარებელს ავტომობილებისა თუ მოტოტრანსპორტის ყველაზე მრავალფეროვან არჩევანს სთავაზობს. რეგიონში ბრენდების შემოყვანისა და დამკვიდრების გარდა კომპანია ზრუნავს, მომხმარებელს ყიდვის შემდგომ უმაღლესი ხარისხის მომსახურება გაუწიოს. 14 წელია, თეგეტა ქარსი არ წყვეტს განვითარებას და პროფესიონალი გუნდის დახმარებით საუკეთესო სივრცეს ქმნის ავტომოყვარულებისთვის.

(R)