ევროპაში App Store-ის პირველი ალტერნატივა ჩაუშვეს

ევროკავშირში iPhone-ის მომხმარებლებისთვის აპების ალტერნატიული მაღაზია, Setapp Mobile ღია ბეტა-ვერსიაში გახდა ხელმისაწვდომი. ინფორმაციას The Verge ავრცელებს.

ჩაშვების მომენტში Setapp-ში 50 აპლიკაციაა. მათ შორის არის უკვე ცნობილი პროგრამები, Tripsy planner და MindNode-იც, რომლის ნახვა, ასევე, ოფიციალურ App Store-ში არის შესაძლებელი.

Setapp-ის შემქმნელი კომპანია, MacPaw ირწმუნება, რომ მაღაზია მომხმარებელს გამარტივებულ ინტერფეისს, ხოლო დეველოპერებისთვის სამართლიანი გადახდის მოდელს სთავაზობს.

Setapp Mobile დახურულ ბეტა-ვერსიაში ჯერ კიდევ მაისში, ევროკავშირის ციფრული ბაზრის შესახებ კანონის მიღების შემდეგ ჩაეშვა.

Setapp Mobile-ის ღია-ბეტაში მონაწილეობისთვის iOS 17.4-ის ან უფრო ახალი ვერსია და ევროკავშირში რეგისტრირებული Apple ID არის საჭირო. ევროპელ ახალ მომხმარებლებს შეუძლიათ, iOS Advanced-ის შვიდდღიანი უფასო საცდელი პერიოდით ისარგებლონ, რომელიც თვეში 9,49 ევრო ან 9,99 დოლარი ღირს. ეს iPhone-ისთვის აპლიკაციების ჩამოტვირთვის საშუალებას როგორც Setapp Mobile-დან, ასევე, პლატფორმის დესკტოპისა და ვებ-ვერსიებიდან იძლევა.

ბევრი აპლიკაცია უფასოდ ოფიციალურ App Store-ზეც არის ხელმისაწვდომი.

მოამზადა ლადო სულაბერიძემ