OPEC-ის პროგნოზით, 2050 წლისთვის ნავთობზე გლობალური მოთხოვნა 120 მილიონ ბარელს გადააჭარბებს
OPEC-ის ყოველწლიური მიმოხილვის თანახმად, ნავთობზე გლობალური მოთხოვნა 2050 წლისთვის მიაღწევს 120,1 მლნ ბარელს დღეში, რაც 2023 წელთან შედარებით 17,5%-ით ანუ 17,9 მლნ ბარელით მეტია.
ნავთობის მოხმარების ზრდის მთავარი მამოძრავებელი ფაქტორი ინდოეთი იქნება, სადაც მოთხოვნა 2023 წელს 5,3 მილიონი ბარელიდან დღეში 13,3 მილიონ ბარელამდე გაიზრდება 2050 წელს.
ნავთობზე მოთხოვნა ჩინეთში, OPEC-ის მიმოხილვის მიხედვით, 2050 წლისთვის გაიზრდება 2,5 მილიონი ბარელით დღეში 18,9 მილიონ ბარელამდე.
ამავდროულად, მიმდინარე ათწლეულის ბოლომდე მიიღწევა 2,2 მილიონი ბარელით ზრდა დღეში. სხვა OECD-ის არაწევრ აზიის ქვეყნებში მოთხოვნა გაიზრდება 5.2 მილიონი ბარელით დღეში 14.5 მილიონი ბარელამდე.
ალიანსის ანალიტიკოსები ასევე პროგნოზირებენ წვლილს ნავთობის გლობალურ მოხმარებაში ახლო აღმოსავლეთისა და აფრიკის ქვეყნებიდან, სადაც მოთხოვნა 2050 წლისთვის გაიზრდება 4,4 მილიონი ბარელით დღეში თითოეულ რეგიონზე, შესაბამისად 13 და 8,9 მილიონ ბარელამდე დღეში.
ნავთობზე მოთხოვნის მთლიანი ზრდა OECD-ის არაწევრ ქვეყნებში 2050 წლისთვის იქნება 28 მილიონი ბარელი და მოთხოვნა ჯამში შეადგენს 84,6 მილიონ ბარელს დღეში. ამასთან, OECD-ის ქვეყნებში მოხმარება შემცირდება, განსაკუთრებით 2030 წლის შემდეგ.
