მთავრობამ საპატრიარქოს გურჯაანის მუნიციპალიტეტში მიწის ნაკვეთი 1 ლარად გადასცა
მთავრობამ საქართველოს სამოციქულო ავტოკეფალურ მართლმადიდებელ ეკლესიას გურჯაანის მუნიციპალიტეტის სოფელ ქოდალოში მდებარე სახელმწიფო ქონება პირდაპირი მიყიდვის ფორმით, საკუთრებაში 1 ლარად გადასცა.
პრემიერ-მინისტრის ხელმოწერილი განკარგულების მიხედვით, ქონება 318 კვ.მ არასასოფლო-სამეურნეო მიწის ნაკვეთსა და მასზე მდგომ არასაცხოვრებელ შენობა ნაგებობას მოიცავს.
დოკუმენტის მიხედვით, საპატრიარქომ საპრივატიზაციოდ განსაზღვრული 1 ლარი ხელშეკრულების გაფორმებიდან ერთი თვის ვადაში უნდა გადაიხადოს. ქონების ეროვნულმა სააგენტომ კი ქონების გადაცემისთვის საჭირო ღონისძიბების გატარება დაევალა.
