საქართველოში ავტომობილების რაოდენობამ 1.8 მლნ ერთეულს გადააჭარბა - რა მარკის მანქანები ლიდერობს
ბოლო მონაცემებით, საქართველოში რეგისტრირებული ავტომობილების რაოდენობამ 1 839 534 ერთეული შეადგინა. ამის შესახებ მომსახურების ეროვნული სააგენტოს სტატისტიკაშია აღნიშნული.
რაც შეეხება მართვის მოწმობებს, სააგენტოს ინფორმაციით, 2024 წლის საანგარიშო პერიოდში უკვე 1 648 833 პირზეა გაცემული.
აღსანიშნავია, რომ სტატისტიკის ეროვნული სამსახურის, 2024 წლის 2 კვარტლის მონაცემებით, საქართველოში რეგისტრირებულ ავტომობილებში ჭარბობს რუხი ფერი (18 038 ერთეული), შემდეგია თეთრი (17 199) და შავი (14 161).
ამასთან, საქსტატის ინფორმაციით, საანგარიშო პერიოდში ავტომობილების ტოპ-10 ბრენდის რეიტინგი ასეთია:
- Toyota
- Ford
- Mercedec benz
- Hyundai
- Bmw
- Voksvagen
- Subaru
- Opel
- Honda
- Lexus
