ტურიზმის ეროვნული ადმინისტრაცია - ევროპის ქვეყნებიდან 9 თვეში საქართველოში საერთაშორისო ვიზიტები მნიშვნელოვნად გაიზარდა

2024 წლის I-III კვარტლის მდგომარეობით ევროკავშირის ქვეყნებიდან და დიდი ბრიტანეთიდან 348,329 საერთაშორისო ვიზიტი შედგა, 2023 წლის ანალოგიურ პერიოდთან შედარებით ზრდა +5.9%-ია. ამის შესახებ ინფორმაციას ტურიზმის ეროვნული ადმინისტრაცია ავრცელებს.

მათივე ცნობით, იანვარი-სექტემბრის პერიოდში გერმანიიდან საქართველოში 62,804 ვიზიტი შედგა, ზრდა 2023 წლის ანალოგიურ პერიოდთან შედარებით +15.6%-ია, დიდი ბრიტანეთიდან საქართველოში 25,431 ვიზიტი შედგა, ზრდა +12.5%-ია, საფრანგეთიდან კი 22,768 საერთაშორისო ვიზიტი განხორციელდა, ზრდა 2023 წელთან შედარებით +21.3%-ია, საბერძნეთიდან საქართველოში 20,500 საერთაშორისო ვიზიტი შედგა, ზრდა +24.3%-ია.