"დაგროვებითი პენსიის სახით 49.9 მლნ ლარი გაიცა" - რამდენმა ადამიანმა ისარგებლა
2024 წლის 30 სექტემბრის მდგომარეობით, დაგროვებითი პენსიის სახით 49.9 მლნ ლარი გაიცა. ამის შესახებ ინფორმაციას საპენსიო სააგენტო ავრცელებს.
მათივე ცნობით, ამავე საანგარიშო პერიოდისთვის, საპენსიო დანაზოგით უკვე 13 270-მა ადამიანმა ისარგებლა.
"საპენსიო სააგენტოს 30 სექტემბრის სტატისტიკური მონაცემებით, საპენსიო სქემაში გაწევრიანებულ მონაწილეთა რაოდენობა 1.557 მილიონი ადამიანია. 2024 წლის 30 სექტემბრის მდგომარეობით, დაგროვებითი პენსიით ისარგებლა სხვადასხვა კატეგორიის 13.270-მა პირმა, მათზე პენსიის სახით გაიცა 49.9 მლნ ლარი.
საპენსიო აქტივების ღირებულება კი შეადგენს 5.7 მლრდ ლარს, მათ შორის დაგენერირებულმა ამონაგებმა 1.32 მლრდ ლარს გადააჭარბა",- აღნიშნულია საპენსიო სააგენტოს მიერ გავრცელებულ ინფორმაციაში.
