ყირგიზეთიდან ფულადი გზავნილები 111.5%-ით გაიზარდა, რუსეთიდან - 40%-ით შემცირდა - ტოპ-10 ქვეყანა
2024 წლის სექტემბერში რუსეთიდან ფულადი გზავნილები 40%-ით შემცირდა - ამის შესახებ აღნიშნულია სებ-ის სტატისტიკაში. ამავე მონაცემების მიხედვით, სამაგიეროდ, გაზრდილია გზავნილები იტალიიდან (13.4%) და აშშ-დან (17.7%).
საქართველოს ეროვნული ბანკის მონაცემებით, სექტემბერში საქართველოში სულ გადმოირიცხა 283.385 მლნ დოლარი, წინა წლის ანალოგიურ პერიოდში კი 286.414 მლნ დოლარი.
ტოპ-10 ქვეყანა, საიდანაც 2024 წლის სექტემბერში ყველაზე დიდი მოცულობის თანხა გადმოირიცხა:
- იტალია - 49.598 მლნ დოლარი (+13.4%)
- აშშ - 49.034 მლნ დოლარი (+17.7%)
- რუსეთი - 35.823 მლნ დოლარი (-40%)
- გერმანია - 25.521 მლნ დოლარი (+18.4%)
- საბერძნეთი - 24.719 მლნ დოლარი (+18.7%)
- ისრაელი - 20.657 მლნ დოლარი (+20.9%)
- ყირგიზეთი - 9.195 მლნ დოლარი (+111.5%)
- თურქეთი - 8.986 მლნ დოლარი (-3.1%)
- ყაზახეთი - 8.075 მლნ დოლარი (-56%)
- ირლანდია - 5.920 მლნ დოლარი (+26%)