კერძო სახლები გაძვირდა - როგორია ფასები თბილისის უბნების მიხედვით
საქსტატის მონაცემებით, მიმდინარე წლის მე-3 კვარტალში, წინა წლის ანალოგიურ პერიოდთან შედარებით, ბინების და კერძო სახლების ფასი გაიზარდა.
სტატისტიკის თანახმად, საცხოვრებელი ბინების შემთხვევაში ფასები წლიურად 7.5%-ით არის გაძვირებული. რაც შეეხება კერძო სახლებს, ამ შემთხვევაში 9.7%-იანი ზრდა ფიქსირდება.
საქსტატის მონაცემების თანახმად, მესამე კვარტალში 1 კვ.მ-ის ფასი კერძო ბინის შემთხვევაში ყველაზე ძვირი მთაწმინდაზეა და 4517 ლარს შეადგენს.
საანგარიშო პერიოდში კი ყველაზე იაფად კერძო ბინას გლდანში შეიძენდით. ამ შემთხვევაში 1 კვ.მ-ის საშუალო ფასი 2 418 ლარი იყო.
რაც შეეხება თბილისის სხვა უბნებს, კერძო ბინებისთვის 1 კვ.მ-ის საშუალო ფასები ასე გამოიყურებოდა:
- ჩუღურეთი -2725 ლარი;
- სამგორი - 2547 ლარი;
- საბურთალო - 3138 ლარი;
- ნაძალადევი - 2441 ლარი;
- მთაწმინდა - 4517 ლარი;
- კრწანისი - 2790 ლარი;
- ისანი - 2717 ლარი;
- ვაკე - 3593 ლარი;
- დიდუბე - 3642 ლარი;
- გლდანი - 2418 ლარი.
