როგორია ლონდონის საფონდო ბირჟაზე ქართული კომპანიების აქციების ფასები
25 ოქტომბრის ვაჭრობის შედეგად, ლონდონის საფონდო ბირჟაზე „საქართველოს ბანკის ჯგუფის“ აქციების ფასი შემცირდა, ხოლო „თიბისი ბანკის ჯგუფისა“ და „საქართველოს კაპიტალის“ აქციების ფასები გაიზარდა.
უფრო კონკრეტულად, ბირჟაზე Bank of Georgia Group PLC-ის ერთი აქციის ღირებულება ბოლო ვაჭრობის შედეგად 40.00 გირვანქა სტერლინგს შეადგენს, რაც ფასის 0.74%-ით შემცირებაზე მიუთითებს. რაც შეეხება საბაზრო კაპიტალიზაცია, 1.797 მლრდ სტერლინგს შეადგენს.
ამავე პერიოდის მონაცემებით, TBC Bank Group PLC-ის აქციების ღირებულება 0.35%-ით არის გაზრდილი. ამ შემთხვევაში ერთი აქციის ფასი 28.70 გირვანქა სტერლინგს უტოლდება, ხოლო საბაზრო კაპიტალიზაცია 1.6 მლრდ სტერლინგს აღემატება.
რაც შეეხება Georgia Capital PLC-ს, საანგარიშო პერიოდში ერთი აქციის ღირებულება 10.34 გირვანქა სტერლინგი იყო, რაც 0.58%-იან ზრდაზე მიუთითებს. აღსანიშნავია ისიც, რომ კომპანიის საბაზრო კაპიტალიზაციამ 409.8 მილიონ გირვანქა სტერლინგს გადააჭარბა.
შეგახსენებთ, ლონდონის საფონდო ბირჟაზე მხოლოდ ზემოთ აღნიშნული სამი კომპანიაა წარმოდგენილი.
