„პლატსის“ მიხედვით, საქართველოს ბენზინი 5%-ით გაუძვირდა - რა ღირს საწვავი გასამართ სადგურებზე
„პლატსის“ მიხედვით, ერთ თვეში, საქართველოს ბენზინი 5%-ით, ხოლო დიზელი 2%-ით გაუძვირდა. უფრო კონკრეტულად, სახელმწიფო შესყიდვების სააგენტოს ვებგვერდზე გამოქვეყნებული ინფორმაციის თანახმად, ოქტომბერში „პლატცის“ საშუალო არითმეტიკული ფასი ბენზინზე შეადგენდა 727.08 დოლარს (სექტემბერში 695.05 დოლარი იყო), ევრო-დიზელზე - 674.64 დოლარი (სექტემბერში 663.71 დოლარი იყო).
შესაბამისად, ბენზინის ღირებულება 32.03 დოლარით, ხოლო დიზელის 10.93 დოლარით არის გაზრდილი.
თუმცა, აღსანიშნავია, რომ მანამდე, „პლატსის“ მიხედვით, საწვავის ფასი ბოლო 4 თვის განმავლობაში (სექტემბრის ჩათვლით) შემცირების ტენდენციით ხასიათდებოდა.
იქიდან გამომდინარე, რომ საქართველოში ნავთობიმპორტიორები საწვავს სწორედ „პლატსის“ ფასების მიხედვით ყიდულობენ და ადგილობრივ ბაზარზე ბენზინისა და დიზელის ღირებულების ფორმირებაში ერთ-ერთი ყველაზე მნიშვნელოვანი როლი აქვს, bpn.ge დაინტერესდა, რა ღირს დღეს საწვავი რიგ ბენზინგასამართ სადგურებზე.
Socar:
- ნანო სუპერი - 3.50 ლარი
- ნანო პრემიუმი - 3.11 ლარი
- ნანო ევრო რეგულარი - 2.95 ლარი
- ევრო 5 დიზელი - 3.07 ლარი
- ნანო ევრო 5 დიზელი - 2.98 ლარი
Wissol:
- ეკო სუპერი - 3.54 ლარი
- ეკო პრემიუმი - 3.14 ლარი
- ევრო რეგულარი - 2.97 ლარი
- ევრო დიზელი - 3.07 ლარი
- ეკო დიზელი - 3.12 ლარი
- დიზელ ენერჯი - 2.99 ლარი
Gulf:
- G-Force სუპერი - 3.55 ლარი
- G-Force პრემიუმი - 3.15 ლარი
- G-Force ევრო რეგულარი - 3.05 ლარი
- ევრო რეგულარი - 2.95 ლარი
- ევრო დიზელი - 3.13 ლარი
Rompetrol:
- სუპერი - 3.58 ლარი
- ევრო პრემიუმი - 3.19 ლარი
- ევრო რეგულარი - 2.99 ლარი
- Efix ევრო დიზელი -3.20 ლარი
- ევრო დიზელი - 3.10 ლარი
Portal:
- პრემიუმი - 2.79 ლარი
- ევრო რეგულარი - 2.59 ლარი
- ევრო დიზელი - 3.09 ლარი
