საქართველოდან ნიდერლანდებში 24.3 მლნ დოლარის საწვავი გავიდა - როგორია ქვეყნების ტოპ-ათეული
წელს, იანვარ-სექტემბერში საქართველოდან ნიდერლანდებში 24.3 მლნ აშშ დოლარის საწვავი გავიდა ექსპორტზე. ამის შესახებ სტატისტიკის ეროვნული სამსახურის მონაცემებშია აღნიშნული. საუბარია, როგორც ადგილობრივი ექსპორტის, ისე რეექსპორტის მაჩვენებლებზე.
ჯამში, საქართველოდან წელს, 9 თვეში წინა წლის იგივე პერიოდთან შედარებით, ნავთობპროდუქტების ექსპორტი 125%-ით არის გაზრდილი.
უფრო კონკრეტულად, 2024 წლის 9 თვეში საქართველოდან 105 262 ტონა (68.476 მლნ აშშ დოლარის) საწვავი გავიდა, წინა წლის იგივე პერიოდში - 46 757 ტონა (42.527 მლნ აშშ დოლარის).
ამავე მონაცემების მიხედვით, წელს იანვარ-სექტემბრის მონაცემებით, საექსპორტო ბაზრებს შორის ლიდერია ნიდერლანდები, შემდეგ პოზიციებს იკავებენ საბერძნეთი და სომხეთი.
გთავაზობთ იმ ქვეყნების ათეულს, სადაც წელს საქართველოდან ნავთობპროდუქტების ექსპორტი განხორციელდა:
- ნიდერლანდები - 49 661 ტონა (24.301 მლნ აშშ დოლარი);
- საბერძნეთი - 13 571 ტონა (4.744 მლნ აშშ დოლარი);
- სომხეთი - 12 080 ტონა (13.482 მლნ აშშ დოლარი);
- აზერბაიჯანი - 10 747 ტონა (12.093 მლნ აშშ დოლარი);
- შვეიცარია - 10 741 ტონა (5.483 მლნ აშშ დოლარი);
- არაბთა გაერთიანებული საამიროები - 3 035 ტონა (1.659 მლნ აშშ დოლარი);
- თურქეთი - 2 998 ტონა (1.526 მლნ აშშ დოლარი);
- უკრაინა - 1 330 ტონა (2.293 მლნ აშშ დოლარი);
- უზბეკეთი - 318 ტონა (645.2 მლნ აშშ დოლარი);
- ბულგარეთი - 235 ტონა (283.8 მლნ აშშ დოლარი).
