რას ვყიდით და ვყიდულობთ რუსეთში - 2024 წლის უმსხვილესი სასაქონლო ჯგუფები
საქსტატის წინასწარი მონაცემებით, მიმდინარე წლის იანვარ-ოქტომბერში საქართველოდან რუსეთში საქონლის ექსპორტმა 580.3 მლნ აშშ დოლარი, ხოლო რუსეთიდან იმპორტმა 1 481.3 მლნ აშშ დოლარი შეადგინა.
აღნიშნულ პერიოდში რუსეთი 2 061.5 მლნ აშშ დოლარის მოცულობის სავაჭრო ბრუნვით საქართველოს 10 მთავარ სავაჭრო პარტნიორ ქვეყანას შორის მე-2 ადგილზეა.
2024 წლის იანვარ-ოქტომბერში რუსეთში ექსპორტირებული ტოპ-5 პროდუქტი:
- ყურძნის ნატურალური ღვინოები - 161.2 მლნ აშშ დოლარი;
- სპირტიანი სასმელები - 128.8 მლნ აშშ დოლარი
- მინერალური და მტკნარი წყლები, შაქრის დანამატების გარეშე - 68.1 მლნ აშშ დოლარი;
- წყლები, მინერალურისა და დაგაზიანებულის ჩათვლით, შაქრის დანამატების შემცველობით - 53.4 მლნ აშშ დოლარი;
- ფეროშენადნობები - 32.2 მლნ აშშ დოლარი.
2024 წლის იანვარ-ოქტომბერში რუსეთიდან იმპორტირებული ტოპ-5 პროდუქტი:
- ნავთობი და ნავთობპროდუქტები - 438.2 მლნ აშშ დოლარი;
- ნავთობის აირები და სხვა აირისებრი ნახშირწყალბადები - 122 მლნ აშშ დოლარი;
- წნელები ნახშირბადიანი ფოლადისაგან, შემდგომი დამუშავების გარეშე - 82.5 მლნ აშშ დოლარი;
- ხორბალი და მესლინი - 62.8 მლნ აშშ დოლარი;
- კოქსი და ნახევარკოქსი ქვანახშირის, ლიგნიტის ანტორფისაგან - 39 მლნ აშშ დოლარი.
