მაღალმთიანი მუნიციპალიტეტების დაფინანსება 16 მლნ ლარამდე იზრდება - სად და რა პროექტები განხორციელდება
მაღალმთიანი მუნიციპალიტეტის პროგრამის ბიუჯეტი 14 209 997 ლარიდან 16 მილიონ ლარამდე იზრდება.
მთავრობის განკარგულების თანახმად, დაფინანსება ორ მაღალმთიან მუნიციპალიტეტს, დმანისსა და ახმეტას ეზრდება. კერძოდ, ახმეტის მუნიციპალიტეტისთვის გამოყოფილია 2 059 403 ლარი, ხოლო დმანისისთვის 316 425 ლარი.
დოკუმენტიდან ირკვევა, რომ აღნიშნული თანხით ახმეტის მუნიციპალიტეტში შემდეგი სამი პროექტი განხორციელდება:
- ახმეტის მუნიციპალიტეტში, თუშეთში, წოვათის მხარეს ალტერნატიული გზისა და მასთან დაკავშირებული ნაგებობების მოწყობა - 480 000 ლარი;
- სოფელ ილიურთა-ვესტომთა-საჩიღოლო-ვესტმოს და ვესტომთა-გოგრულთას დამაკავშირებელი ადგილობრივი გზის მოწყობა - 913 881 ლარი;
- თუშეთი, სოფელი ვაკისძირში მისასვლელი საავტომობილო გზის მოწყობა - 665 522 ლარი.
რაც შეეხება დმანისის მუნიციპალიტეტს, სოფელ მამიშლოში ხელოვნურსაფარიანი სტადიონისა და სკვერის მოწყობაა დაგეგმილი, რისთვისაც გამოყოფილია 316 425 ლარი.
