დიდი ბრიტანეთის უმსხვილესი ბანკი რუსეთიდან და ბელარუსიდან გადახდების მიღებას წყვეტს
გაერთიანებული სამეფოს უმსხვილესმა ბანკმა HSBC-მა, გამოაცხადა, რომ შეწყვეტს გადახდების მიღებას რუსეთიდან და ბელარუსიდან.
„ჩვენ გადავწყვიტეთ შევწყვიტოთ გადახდების დამუშავება რუსეთიდან ან ბელარუსიდან“, - ნათქვამია ფინანსური ინსტიტუტის ვებგვერდზე გამოქვეყნებულ შეტყობინებაში.
„HSBC-ის მეშვეობით დამუშავებული ნებისმიერი გადახდა, რომელიც მოიცავს რუსეთს ან ბელარუსს, შეიძლება შეჩერდეს შემდგომი განხილვისთვის და, ჩვენი შეხედულებისამებრ, შეიძლება უარი თქვას და თანხები დაბრუნდეს“,- აღნიშნულია ინფორმაციაში.
ბანკის კლიენტებს, რომლებიც გეგმავენ გადახდების განხორციელებას ან მიღებას რუსეთში ან ბელარუსში, ურჩევენ "გამოიყენონ ალტერნატიული ვარიანტები".
