საბანკო სექტორის წმინდა მოგების 87% მხოლოდ ორ ბანკზე მოდის - რომელი გავიდა ზარალზე
კომერციული ბანკების წმინდა მოგება ერთ თვეში 287.7 მლნ ლარით გაიზარდა. როგორც საფინანსო სექტორის კონსოლიდირებულ ანგარიშგებაშია აღნიშნული, 2024 წლის 10 თვე ბანკებმა 2.589 მლრდ ლარის წმინდა მოგებით დახურეს, იანვარ-სექტემბერში კი მოგებამ 2.301 მლრდ ლარი შეადგინა.
როგორც ანგარიშგებიდან ირკვევა, ოქტომბერში ზარალზე 17-დან 4 ბანკი გავიდა - „სილქ ბანკი“, „პეისერა ბანკი საქართველო“, „ჰეშ ბანკი“ და „პეივ ბანკ ჯორჯია“.
ანგარიშგებების მიხედვით, 2024 წლის ოქტომბრის მდგომარეობით წმინდა მოგების თითქმის 87% კვლავ 2 ბანკმა გადაინაწილა - „თიბისი ბანკმა“ და „საქართველოს ბანკმა“. კერძოდ, „თიბისის“ მოგებამ საანგარიშო პერიოდში 985.296 მლნ ლარი; „საქართველოს ბანკის“ კი, 1.266 მლრდ ლარი შეადგინა.
რაც შეეხება სხვა ბანკების 2024 წლის იანვარ-ოქტომბრის მოგების მაჩვენებლებს, ასე გამოიყურება:
- „ლიბერთი ბანკი“ – 94.809 მლნ ლარი;
- „ბაზისბანკი“ – 64.565 მლნ ლარი;
- „კრედო ბანკი“ – 51.450 მლნ ლარი;
- „ქართუ ბანკი“ – 42.938 მლნ ლარი;
- „პროკრედიტ ბანკი“ – 28.436 მლნ ლარი;
- „ტერა ბანკი“ – 26.573 მლნ ლარი;
- „ხალიკ ბანკი“ – 16.236 მლნ ლარი;
- „იშ ბანკი საქართველო“ – 13.109 მლნ ლარი;
- „პაშა ბანკი საქართველო“ – 7.399 მლნ ლარი;
- „ზირაათ ბანკი საქართველო“ – 4.968 მლნ ლარი;
- „ვითიბი ბანკი“ – 2.341 მლნ ლარი.
რაც შეეხება ზარალიან ბანკებს, ასე გამოიყურება:
- „სილქ ბანკი“ - 9.878 მლნ ლარი;
- „ჰეშ ბანკი“ – 3.679 მლნ ლარი;
- „პეისერა ბანკი საქართველო“ – 1.026 მლნ ლარი;
- „პეივ ბანკ ჯორჯია“ - 689 ათასი ლარი.
ცნობისათვის, საანგარიშო პერიოდში ბაზარზე 17 კომერციული ბანკი ოპერირებდა.