მთავრობამ საპატრიარქოს სამი მიწის ნაკვეთი თითო-თითო ლარად გადასცა

მთავრობამ საპატრიარქოს პირდაპირი მიყიდვის ფორმით თითო-თითო ლარად გადასცა არასასოფლო-სამეურნეო დანიშნულების სამი მიწის ნაკვეთი.

პრემიერ-მინისტრის, ირაკლი კობახიძის მიერ ხელმოწერილი განკარგულების მიხედვით, აღნიშნული მიწები შემდეგ ტერიტორიებზე მდებარეობს:

• თეთრიწყაროს მუნიციპალიტეტი, სოფელი მანგლისი – 3194 კვ.მ-ის მიწის ნაკვეთი და მასზე განთავსებული 3 შენობა;
• ქუთაისი, ირაკლი აბაშიძის 27 – 296 კვ.მ-ის მიწის ნაკვეთი;
• ჩხოროწყუს მუნიციპალიტეტი, სოფელი ჭოღა - 3125 კვ.მ-ის მიწის ნაკვეთი.

დოკუმენტების მიხედვით, საპატრიარქომ თითოეული მიწისთვის 1 ლარის გადახდა 1 თვის ვადაში უნდა განახორციელოს.