11 დეკემბრიდან დადიანების სასახლეების საგამოფენო დარბაზში შესვლა უფასო იქნება - როდემდე იმოქმედებს ახალი ინიციატივა
მიმდინარე წლის 11 დეკემბრიდან 2025 წლის 1 მარტამდე, დადიანების ორივე სასახლის საგამოფენო დარბაზის დათვალიერება ნებისმიერი ვიზიტორისთვის უფასო იქნება. შესაბამისი ინიციატივა თავად სასახლის ოფიციალურ ფეისბუქ-გვერდზე გამოქვეყნდა.
ინფორმაციაში ასევე ვკითხულობთ, რომ ამ სიახლის გარდა, ყოველ ოთხშაბათს მუზეუმის წინ მდებარე პარკში არსებული კარიბჭე სტუმრებს ღია დახვდება.
„ბიზნესპრესნიუსი“ განცხადებას სრულად გთავაზობთ:
„დადიანების სასახლეთა მუზეუმის ახალი ინიციატივა!
2024 წლის 11 დეკემბრიდან 2025 წლის 1 მარტამდე, ყოველ ოთხშაბათს, დადიანების სასახლეთა მუზეუმის ორივე სასახლის საგამოფენო დარბაზების დათვალიერება უფასო იქნება ნებისმიერი ვიზიტორისთვის!
გარდა ამისა, ოთხშაბათობით მუზეუმის წინ მდებარე პარკში არსებული კარიბჭე სტუმრებს ღია დახვდება.
- დედოფლისეული სასახლის სამუშაო დრო: 10:00 - 17:30
- ნიკოსეული სასახლის სამუშაო დრო: 11:00 - 17:00
მისამართი: ზუგდიდი, ზვიად გამსახურდიას გამზირი N1“ - წერია ინფორმაციაში.
