აშშ-ში ქართული პროდუქციის ექსპორტი 78%-ით გაიზარდა - რას ვყიდით
2024 წელს იანვარ-ნოემბერში, 2023 წლის იგივე პერიოდთან შედარებით ქართული პროდუქციის ექსპორტი 78%-ით გაიზარდა. კერძოდ, სტატისტიკის ეროვნული სამსახურის მონაცემებით, წელს საანგარიშო პერიოდში აშშ-ში საქართველოდან 127.269 მლნ აშშ დოლარის ადგილობრივი ექსპორტი განხორციელდა, წინა წლის იგივე პერიოდში 71.383 მლნ აშშ დოლარის.
რაც შეეხება ქართული წარმოების კონკრეტულ პროდუქტებს, რომელიც წელს აშშ-შ ყველაზე დიდი რაოდენობით გაიგზავნა, ჩამონათვალში ლიდერია ფეროშენადნობები. კერძოდ, წელს იანვარ-ნოემბერში 90.119 მლნ აშშ დოლარის პროდუქცია გავიდა, რაც წინა წლის იგივე პერიოდთან შედარებით 74%-იანი ზრდაა. 2023 წელს 51.790 მლნ აშშ დოლარის ფეროშენადნობები გავიდა.
უფრო კონკრეტულად, bpn.ge გთავაზობთ იმ ადგილბრივი პროდუქტების ჩამონათვალს, რომელიც წელს იანვარ-ნოემბერში აშშ-ში ყველაზე დიდი რაოდენობით გავიდა:
- ფეროშენადნობები - 90.119 მლნ აშშ დოლარი
- მილები, მილაკები და ღრუ პროფილები, უნაკერო, შავი ლითონისაგან - 7.362 მლნ აშშ დოლარი
- ყურძნის ნატურალური ღვინოები - 6.783 მლნ აშშ დოლარი
- ხილისა და ბოსტნეულის წვენები - 4.276 მლნ აშშ დოლარი
- საფრენი აპარატების ნაწილები - 4.133 მლნ აშშ დოლარი
- წყალბადი, ინერტული აირები და სხვა არალითონები - 3.315 მლნ აშშ დოლარი
- ფანერა დაწებებული, პანელები ხის დაფანერებული და ანალოგიური მასალები შერეული მერქნისაგან - 1.797 მლნ აშშ დოლარი
- მინერალური და მტკნარი წყლები - 1.525 მლნ აშშ დოლარი
- ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 1.111 მლნ აშშ დოლარი
- ნაყოფი და კაკალი შაქრის დამატებით ან მის გარეშე - 910 ათასი აშშ დოლარი
