საავტომობილო ინდუსტრიის რევოლუცია - ბრენდები, რომლებიც ბაზარს იპყრობს

მსოფლიო ავტომწარმოებლები რევოლუციურ გზაზე აგრესიულად ცდილობენ თავის დამკვიდრებას. ამის ფონზე კი ერთი რამ უდავოა - 2025 წელი ძალიან რთული წელი იქნება ზოგიერთი დიდი ბრენდისთვის.

ევროპაში ზოგიერთმა ავტომწარმოებელმა ღირებულების თითქმის ნახევარი დაკარგა. სიტუაცია ბევრად უკეთესად არც ამერიკაშია. ტრადიციული მწარმოებლები ახალი ტექნოლოგიების ათვისებისთვის და განვითარებისთვის იბრძვიან.

ამავდროულად, ჩინეთის საავტომობილო ინდუსტრია სწრაფად მიიწევს წინ. ქვეყანაში მომრავლდა ახალი შიდა ბრენდები, რომლებიც ელექტრომობილებს აწარმოებენ.

როგორია ტენდენციები

წიაღისეული საწვავის ეტაპობრივი გაუქმება

უკვე ცხადია, რომ ელექტრო მანქანები (EVs) ნორმა ხდება და პოპულარობას კარგავს წიაღისეული საწვავზე მომუშავე შიდა წვის ძრავა (ICE) - მცირდება მათი გაყიდვებიც.

ეს გამოწვევებს უქმნის უკვე დამკვიდრებულ ინდუსტრიას, რომელმაც უნდა გადახედოს საწარმოო პროცესებს და განავითაროს უნარები ახალ ტექნოლოგიებში.

ამასთან, სუფთა ელექტრომანქანების წარმოება შეიძლება 25%-მდე ძვირი დაჯდეს და ისინი ხშირად ნაკლებად მომგებიანია, ვიდრე ICE ან ჰიბრიდული მანქანები.

2024 წლის პირველ ნახევარში დაახლოებით შვიდი მილიონი ელექტრო მანქანა გაიყიდა. მოთხოვნა იზრდება, რადგან ქვეყნებმა გამონაბოლქვის თავიდან ასაცილებლად სხვადასხვა შეზღუდვები შემოიღეს.

მაგალითად, ევროკავშირი ამბობს, რომ მწარმოებლებმა უნდა შეამცირონ მანქანების საშუალო გამონაბოლქვი 15%-ით, წინააღმდეგ შემთხვევაში სოლიდური ჯარიმები დაემუქრებათ.

დღეს სხვადასხვა ტიპის ელექტრომობილები არსებობს. საბოლოო ჯამში, არის მოლოდინი, რომ ბატარეაზე მომუშავე ელექტრო მანქანები მსოფლიოს ახალი ნორმა გახდება.

ამ მხრივ ყველა ქვეყანას ჩინეთი უსწრებს. ის ასევე დომინირებს ელექტრომობილების ბატარეების ნედლეულის მიწოდების ჯაჭვში და აქვს დაბალი ფასები.

თვითმართვადი მანქანები

ინდუსტრიის ანალიტიკოსები კვლავ ამტკიცებენ, რომ თვითმართვადი მანქანები ჩვეულებრივი მოვლენა გახდება.

McKinsey-ის გამოკითხვამ 2024 წლის იანვარში იწინასწარმეტყველა, რომ მე-4 დონის (მაღალი ავტომატიზირებული მართვის) ავტონომია სიცოცხლისუნარიანი იქნება 2030 წლისთვის. ხოლო მე-5 დონე (სრული მართვის ავტომატიზაცია) ხელმისაწვდომი გახდება ერთი წლის შემდეგ.

ზოგიერთი საპილოტე სქემა უკვე მუშაობს კიდეც.

როგორ უმკლავდებიან მსხვილი ავტომწარმოებლები ამ სწრაფ ცვლილებებს?

Volkswagen

შემოსავლების მიხედვით მსოფლიოში უმსხვილესი ავტომწარმოებელი, Volkswagen მნიშვნელოვნად გაფართოვდა წლების განმავლობაში და მოიცავდა ბრენდებს, როგორიცაა Audi, Seat და Skoda. მაგრამ ახლა მას სერიოზული სირთულეები აქვს.

VW -მ 2024 წელს თავის მშობლიურ გერმანიაში ქარხნებიც კი დახურა. ბრენდის მომავალი ჯერ კიდევ გაურკვეველია.

Toyota

იაპონური Toyota, მსოფლიოში უმსხვილესი ავტომობილების მწარმოებელია მოცულობით, რომელიც წელიწადში 10 მილიონზე მეტ ავტომობილს ყიდის.

ბრენდი ელექტრო მანქანების სფეროში პიონერია. მან ჯერ კიდევ 1997 წელს წარმოადგინა პირველი ჰიბრიდი - Prius.

თუმცა, კომპანიის დამფუძნებლის, აკიო ტოიოდას თავმჯდომარემ და შვილიშვილმა თქვა, რომ ელექტრომომავალი ნიშნავს სამუშაოს დაკარგვას იაპონიის ხუთი მილიონი ავტო მუშაკისთვის.

Toyota-მ მეტი დრო დახარჯა თავის მოდელებს ჰიბრიდული ვარიანტების დამატებაში. ის ასევე ღიაა წყალბადის ენერგიის შესაძლებლობებისთვის.

Hyundai

კორეული Hyundai ბაზარზე ფრთხილად პოზიციონირებს.

კომპანიამ აღიარა, რომ მომავალი ელექტრომობილებს ეკუთვნის. ის ყურადღებას გაამახვილებს ჰიბრიდებზე და თანდათან გააფართოებს მთლიანად ელექტრო ხაზს.

დაგეგმილი ინოვაციები მოიცავს Extended Range EV, ან EREV-ს. მოდელებს ელექტროძრავთან ერთად, ბატარეის დასატენად პატარა ბენზინის ძრავა ექნებათ.

კიდევ ერთი წინსვლა იქნება ბატარეის უჯრედების ინტეგრაცია მანქანის ძარაში, რაც კომპანიის თქმით, წონას შეამცირებს.

Hyundai-ს შვილობილი Kia ასევე გეგმავს ჰიბრიდული ხაზის გაფართოებას და გაყიდვების 58%-ით გაზრდას.

Ford

Ford-ს ძალიან ცოტა მომხმარებელი ჰყავდა თავისი მთლიანად ელექტრო მანქანებისთვის. მას შემდეგ, რაც ბრენდმა დაახლოებით 2,5 მილიარდი დოლარი დაკარგა, მიჩიგანის გიგანტი ახლა გეგმებს ამცირებს.

Ford-მა ახალი ელექტრო პიკაპის წარმოება 2027 წლამდე გადადო.

მან გაყინა ელექტრომობილების ახალი ქარხანა ტენესის შტატში და ელექტრომობილებზე საინვესტიციო ბიუჯეტის 40%-დან 30%-მდე შემცირებას გეგმავს.

ამის ნაცვლად, ის უფრო მეტ ყურადღებას გაამახვილებს ჰიბრიდულ ელექტროგადამცემებზე.

Nissan

Nissan ამჟამად პრობლემური ავტომწარმოებელია. მისი მოგება ჩინეთსა და შეერთებულ შტატებში მკვეთრად დაეცა.

Leaf BEV-ით Nissan იყო ელექტრო მანქანების ადრეული მიმწოდებელი, მაგრამ დღეს მისი ხაზი შეჩერებულია.

როგორც ცნობილია, Nissan-ის აქციები დაეცა, ხოლო Honda-ს აქციები ოდნავ გაიზარდა.

BYD

ჩინეთის ყველაზე მოწინავე ავტომწარმოებელი, იკავებს ქვეყნის ავტომობილების გაყიდვების 16%-ს და ელექტრო მანქანების ბაზრის მესამედზე მეტს.

ახლა ის მიზნად ისახავს ექსპორტის ზრდას და შესაძლოა, უმთავრესი გამოწვევა იყოს დასავლური ელექტრომობილების მწარმოებლებისთვის.

BYD-ის ყველაზე პატარა ელექტრომობილი, „თოლია“, ლათინურ ამერიკაში 10000 დოლარად იყიდება. მარკა ევროპაში 2025 წლის ბოლოს გავრცელდება.

BYD-ს წარმატებული 2024 წელი ჰქონდა. კომპანიამ გაყიდა 41%-ით მეტი ავტომობილი, ვიდრე 2023 წელს და მისმა შემოსავალმა მესამე კვარტალში ტესლას შემოსავალსაც კი გადააჭარბა.

BYD-ის მანქანების მინიმუმ ნახევარი ჰიბრიდულია.

BMW

დღეს BMW-ს აქვს ამბიცია, რომ მისმა ელექტრომობილებმა 2030 წლისთვის ბრენდის გაყიდვების ნახევარი შეადგინოს.

კომპანიის ევოლუცია ელექტრომობილებისკენ გრძელდება. მისი უნივერსალური Neue Klasse პლატფორმები, რომლებიც შექმნილია ძირითადად ბატარეებისთვის, წელს ამოქმედდება.

გაყიდვების ძირითადი ზრდა მომავალში ელექტრომოდელებზე იქნება.

Mercedes-Benz

Mercedes-Benz-მა ავტომობილი 2024 წლის პირველ ცხრა თვეში თითქმის 1,5 მილიონის ავტომობილი გაყიდა, მაგრამ ეს 4,3%-ით ნაკლები იყო წინა წელთან შედარებით.

კომპანიამ იწინასწარმეტყველა, რომ 2030 წლისთვის ის მთლიანად ელექტროენერგიული იქნებოდა.

Tesla

Tesla-ს აქვს მკაფიო მიზანი, იყოს ტექნოლოგიური კომპანია ისევე, როგორც მანქანის მწარმოებელი.

დღეს მას შემოაქვს რადიკალური ინოვაციები სექტორში და მთავარი გამოწვევაა დამკვიდრებული მოთამაშეებისთვის. უაღრესად ვერტიკალურად ინტეგრირებული მიწოდების ჯაჭვებით, უახლესი ეფექტურობითა და ელონ მასკის „ღრმა ჯიბეებით“, მან მოიცვა საავტომობილო ცვლილებების ტალღა.

2024 წლის იანვარში მისი Model Y გახდა ყველაზე გაყიდვადი ელექტრო მანქანა. თუმცა, ტესლას გარკვეული პრობლემები ჰქონდა. მთელი 2024 წლის განმავლობაში, მისი გამომუშავება ოდნავ შემცირდა.

იმავდროულად, მისი ახალი Cybertruck-ის წარმოება არაერთხელ შეჩერდა.

ბრენდის ახალი Cybercab - თვითმართვადი ტაქსი ეღირება 30,000 დოლარზე ნაკლები. Tesla გეგმავს, რომ ამ ბრენდით ბაზარზე უკვე 2026 წელს შევიდეს.

წყარო: lovemoney.com