„გამოვლინდა სავაჭრო პროდუქტები, საქართველოდან ყაზახეთში მომგებიან ფასად იმპორტის მაღალი პოტენციალით“ - PMCG
გამოვლინდა სავაჭრო პროდუქტები, საქართველოდან ყაზახეთში მომგებიან ფასად იმპორტის მაღალი პოტენციალით - ამის შესახებ PMCG-ის კვლევაშია საუბარი.
ორგანიზაციის ინფორმაციით, საქართველოსა და ყაზახეთს შორის პოტენციურად მომგებიანი სავაჭრო პროდუქტების გამოსავლენად გაანალიზდა აღნიშნული ქვეყნების ექსპორტისა და იმპორტის მონაცემები. კერძოდ, კვლევაში გამოყენებული პროდუქტების იდენტიფიკაციის პროცესი შედგებოდა 3 ეტაპისგან.
როგორც PMCG-ი განმარტავს, პირველ ეტაპზე გაანალიზდა საქართველოში იმპორტის დაგროვებითი საშუალო წლიური ზრდა (CAGR) 2019-2023 წლებში და შეირჩა ის პროდუქტები, რომელთა როგორც იმპორტის ღირებულება, ასევე ზრდის ტემპი იყო მნიშვნელოვანი. მეორე ეტაპზე გაანალიზდა შერჩეულ პროდუქტებზე ყაზახეთის გამოვლენილი შედარებითი უპირატესობა 2022 წელს. საბოლოოდ, შედარდა შერჩეულ პროდუქტებზე იმპორტის საშუალო ფასები საქართველოში და ექსპორტის საშუალო ფასები ყაზახეთში 2022 წელს.
სამივე ეტაპის შედეგების შეჯამების შედეგად კი, გამოვლინდა სავაჭრო პროდუქტები, საქართველოდან ყაზახეთში მომგებიან ფასად იმპორტის მაღალი პოტენციალით.
„აღსანიშნავია, რომ იდენტიფიცირებული პროდუქტების ნაწილით ვაჭრობა უკვე მიმდინარეობას, თუმცა მათი სავაჭრო პოტენციალი არ არის ბოლომდე გამოყენებული“,- აღნიშნულია კვლევაში.
ანალიზის შედეგად, პროდუქტების ჩამონათვალი 2 კატეგორიად გაიყო.
უფრო კონკრეტულად, პროდუქტების ჩამონათვალი, რომელიც ყაზახეთში გადის, თუმცა მათზე მოთხოვნა მზარდია და პოტენციალი ბოლომდე ათვისებული არ არის, ასე გამოიყურება:
- მინერალური წყალი
- წყალსათბობები
- ბამბის მაისურები
- ხილის წვენი
- ბლუზები
- სურნელოვანი ნივთიერებები
- ხალიჩები
- დამუშავებული ნუში და ფისტა
- ღუმელები
- ცქრიალა ღვინო
- არათვითმავალი სატრანსპორტო საშუალებები
- სურნელოვანი ნივთიერებები კვების მრეწველობაში გამოსაყენებლად
- ალუმინის ღრუ პროფილები
- ნატრიუმი ციანიდები
- მწვანე ჩაი
- შარვლები
საქართველოდან ყაზახეთში ექსპორტისთვის მომგებიანი ახალი სავაჭრო პროდუქტები:
- გრეიპფრუტი
- ღორის ხორცი
- ავტომობილი ძრავის ცილინდრების მუშა მოცულობით 3000 სმ3-ზე მეტი
- სათესლე სიმინდი
- სილიციუმიანი ქვიშა და კვარციანი ქვიშა
- ელექტროსამართებლები
- ბიუსტჰალტერები
- კამერის ლინზები
- სათხიმალურო ტანსაცმელი
- ტორფი
- ფორთოხალი
- ტომრები
- სითხეები, შიგაწვის ძრავების საწვავისა და ზეთების გასაფილტრი
- სარეცხი მანქანები
- საღეჭი რეზინი
- სმენის აპარატების ნაწილები
- ბეტონსატუმბები
- კოლგოტები
- ცხოველების საკვები
- სატრანსპორტო საშუალებების სრული მასით არა უმეტეს 5 ტ-სა
- გუთნები
- ვაშლის წვენი
- სანიტარულ-ჰიგიენური საფენები
- დაბეჭდილი ბამბის ქსოვილები
- ქვა
- ლიმონი
