გასულ წელს სურსათის ეროვნული სააგენტოს მიერ ზედამხედველობა 872 ბიზნესოპერატორთან განხორციელდა. ანგარიშის მიხედვით, 3241-ის შემთხვევაში, გამოვლინდა ადმინისტრაციული სამართალდარღვევა. ამასთან, როგორც დოკუმენტში ვკითხულობთ, HACCP-ის აუდიტი, მათ შორის, მითითებების შესრულების მდგომარეობის გადამოწმება ჩატარდა 231 ბიზნესოპერატორთან.
აღსანიშნავია, რომ 2023 წელთან შედარებით, ყველა კატეგორიის პროდუქტების განადგურების მაჩვენებელი შემცირებულია. კერძოდ, 2023 წელს განადგურდა 37 173 კგ ხორცი და ხორცპროდუქტები , 19 480 კგ სხვა მყარი სურსათი, 599 ლ თხევადი სურსათი, 891 ც კვერცხი.
ცნობისთვის, სურსათის ეროვნული სააგენტოს მიერ 2024 წელს ჩატარდა 36 985 სახელმწიფო კონტროლი (ინსპექტირება 18422), მათ შორის, გეგმური - 8681; არაგეგმური - 1189, აღიარების მინიჭების მიზნით - 274; გადამოწმება - 8278; დოკუმენტური შემოწმება - 11287; მონიტორინგის პროგრამის ფარგლებში, სხვადასხვა დასახელების სურსათის /სასმელი წყლის 6174 ნიმუშია გამოკვლეული. დარღვევების მაჩვენებელმა კი 9.5% შეადგინა.