McDonald's შეკვეთების გასაუმჯობესებლად და აღჭურვილობის დასაცავად ხელოვნურ ინტელექტს დანერგავს

McDonald's თავის 43 000 რესტორანს ინოვაციური ტექნოლოგიებით აახლებს, რაც, მათ შორის, მოიცავს ინტერნეტთან დაკავშირებულ სამზარეულო აღჭურვილობას, ხელოვნური ინტელექტით ავტომატიზებულ პარკინგსა და ინსტრუმენტებს მენეჯერებისთვის.

ინფორმაციას The Wall Street Journal ავრცელებს.

ამ განახლების მთავარი მიზანი გამოცდილების გაუმჯობესებაა როგორც მომხმარებლებისთვის, ასევე, პერსონალისთვის, რომლებიც ამჟამად ისეთ პრობლემებს აწყდებიან, როგორიც აღჭურვილობის გაფუჭება ან არასწორი შეკვეთებია. ტექნოლოგიები რესტორნებს დატვირთვის შემსუბუქებაში დაეხმარება.

კომპანიისთვის ცვლილებები განსაკუთრებით მნიშვნელოვანია, რადგან იანვარში აშშ-ში McDonald's-ის გაყიდვები შენელდა, რაც სწრაფი კვების ინდუსტრიაში საერთო დაცემის ნაწილია. თუმცა კომპანია იმედოვნებს, რომ ახალი ტექნოლოგიები 2027 წლისთვის ლოიალურ მომხმარებელს 175-დან 250 მილიონამდე გაზრდის.

McDonald's 2023 წლის ბოლოდან Google Cloud-თან „ზღვრული გამოთვლების“ დანერგვის მიზნით თანამშრომლობს, რაც რესტორნებს საშუალებას აძლევს, მონაცემები უშუალოდ ადგილზე დაამუშაონ და ღრუბლოვან მეხსიერებაში მათი გადაცემის დრო და ღირებულება შეამცირონ. ეს ხელს უწყობს ისეთი აღჭურვილობის შესაძლო გაფუჭების პროგნოზირებას, როგორიც, მაგალითად, McFlurry-ის მანქანებია. ამასთან, კომპანია გეგმავს კომპიუტერული ხედვის გამოყენებას შეკვეთების სისწორის შესამოწმებლად მომხმარებლისთვის მიწოდებამდე.

McDonald's, ასევე, პარკინგისთვის ხმოვანი ტექნოლოგიის დანერგვაზე მუშაობს. ასევე, დანერგავს ვირტუალურ მენეჯერს, რომელიც ადმინისტრაციული ამოცანების ავტომატიზირებას მოახდენს, როგორიც არის, მაგალითად, მენეჯერებისთვის ცვლილებების დაგეგმვა.

სწრაფი კვების სხვა რესტორნებთან შედარებით, McDonald's ახალ ციფრულ ტექნოლოგიებში დიდ ინვესტიციებს დებს, რაც მას მომხმარებელთა ლოიალობის გაუმჯობესებაში უპირატესობას ანიჭებს.

მოამზადა ლადო სულაბერიძემ