სად და რა ფასად ვყიდულობთ კომბოსტოს, რომელიც თებერვალში ყველაზე მეტად გაძვირდა
სტატისტიკის ეროვნული სამსახურის მონაცემებით, წელს თებერვალში, წლიურად ყველაზე გაძვირებულ პროდუქტებს შორის პირველ ადგილზეა კომბოსტოა. მისი ღირებულება, გასულ წელთან შედარებით, 73.1%-ით გაიზარდა.
სტატისტიკის მიხედვით, 2025 წლის იანვარში საქართველომ უცხოეთიდან 494.8 ტონა (271.9 ათასი აშშ დოლარი) კომბოსტო (ასევე, კოლრაბი ბროკოლი) შეიძინა, ხოლო წინა წლის ანალოგიურ პერიოდში - 548.1 ტონა (178.9 ათასი აშშ დოლარი).
რაც შეეხება გასული წლის მაჩვენებელს, 2024წელს კომბოსტოს იმპორტმა 2,765 ტონა (1.311 მლნ აშშ დოლარი).
საქსტატის მონაცემებზე დაყრდნობით, წელს იანვარში იმპორტირებული 1 კგ კომბოსტოს საშუალო ღირებულება 55 ცენტამდე იყო, წინა წლის იგივე პერიოდში კი 12 ცენტი იყო.
(შენიშვნა: ფასები დათვლილია გადასახადის გარეშე, საშუალო მაჩვენებლებით)
ამასთან, სტატისტიკის მიხედვით, აღნიშნული პროდუქტის მთავარი იმპორტიორ წელს იანვარში თურქეთი იყო, რომელზეც კომბოსტოს იმპორტის 99.8% მოდის.
ცნობისთვის, 2025 წლის თებერვალში წინა თვესთან შედარებით ინფლაციის დონემ საქართველოში 0.4%, ხოლო წლიური ინფლაციის დონემ 2.4% შეადგინა. ამის შესახებ მონაცემებს საქსტატი აქვეყნებს. რაც შეეხება საბაზო ინფლაციას, სტატისტიკის მიხედვით, აღნიშნულმა მაჩვენებელმა 2025 წლის თებერვალში, გასული წლის შესაბამის პერიოდთან შედარებით 2.1% შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 2.0%-ით განისაზღვრა.
