790 000-დან 2.6 მილიონ დოლარამდე - სად მდებარეობს კერძო კუნძულები, რომლებიც იყიდება

არახალია, რომ ულტრა მდიდრებისთვის ცხოვრება ბევრად მრავალფეროვანი და სიახლეებით სავსეა, ვიდრე საშუალო ან თუნდაც დაბალი ფენის ადამიანისთვის.

მიუხედავად იმისა, რომ შესაძლოა, ფულით ბედნიერება ნამდვილად ვერ იყიდონ - მათ აქვთ საშუალება იყიდონ მთლიანი კუნძულებიც კი.

როგორც აღმოჩნდა, მსოფლიოს მასშტაბით საკმაოდ ბევრი კუნძული იყიდება. წარმოგიდგენთ მათ:

Middle Calf კუნძული - დასავლეთი კორკი, ირლანდია: 790,000 აშშ დოლარი

ეს კერძო კუნძული ირლანდიის სანაპიროსთან მდებარეობს. შესაძლოა, ცოტა მოკრძალებული ჩანდეს, მაგრამ ის გამოირჩევა ფართო და წარმოუდგენელი ხედებით. კუნძულის ფართობი 64 ჰექტარია.

ის იყიდება დაახლოებით 790,000 აშშ დოლარად.

ადრე კუნძულზე ექვსი ოჯახი ცხოვრობდა, 1835 წელს სკოლაც კი აშენდა. 1841 წელს კუნძულის მოსახლეობა შეადგენდა 39 ადამიანს, მაგრამ 1937 წელს ის ბოლოო ოჯახმაც დატოვა. დღეს კუნძული დაუსახლებელია.

კუნძული Spectacle, კანადა: 1.1 მილიონი დოლარი

კუნძული, რომელიც კანადაში, ინდიან პოინტის სანაპიროსთან მდებარეობს, მართლაც შესაშური აღმოჩენაა. მისი ფართობი 9 ჰექტარია. სიგრძეზე გარშემორტყმულია ტყით, თუმცა აქვს ქვიშიანი პლაჟიც.

Spectacle-ს მოყვება 2012 და 2013 წლებში აშენებული კოტეჯები. ისინი შექმნილია თევზის დასასაწყობებლად.

ტერიტორია ცნობილია აღმოსავლეთ სანაპიროზე საუკეთესო პირობებით, რაც კუნძულს იდეალურს ხდის წყლის მოყვარულთათვის.

Spectacle 1,1 მილიონ აშშ დოლარად იყიდება.

კუნძული Table Rock, კანადა: 1.6 მილიონი დოლარი

ბევრი მიიჩნევს, რომ ონტარიოს ყურის მკაცრი კლიმატისა და კლდოვანი რელიეფის გამო, ეს კუნძული მიმზიდველი არ არის. თუმცა ცნობილმა არქიტექტორმა უილიამ გრიერსონმა გადაწყვიტა ის ულამაზეს ადგილად ექცია.

ახლა მისი განსაცვიფრებელი კოტეჯი და კუნძული 1,6 მილიონი აშშ დოლარად იყიდება. ეს ყველაფერი არ არის. ახალი მეპატრონე მთავარ კუნძულთან ერთად, ექვსი პატარა განუვითარებელი კუნძულის მფლობელი გახდება.

St. Elmo (წმინდა ელმოს) კუნძული, ნიუ-იორკი: 1.9 მილიონი აშშ დოლარი

ნიუ-იორკის Thousand Islands რეგიონის გულში, პრესტიჟულ მონაკვეთზე, რომელიც ცნობილია როგორც Millionaire's Row, ეს 2,4 ჰექტარის ზომის კერძო კუნძული 1,9 მილიონ აშშ დოლარად იყიდება.

უძრავი ქონების სააგენტო Vladi Private Islands აღწერს წმინდა ელმოს კუნძულს, როგორც მდინარისპირა ოაზისს. კუნძული სულ დაახლოებით 16 ადამიანს იტევს. მისი ინფრასტრუქტურა ნაწილობრივ კეთილმოწყობილია.

სენტ ელმოს კუნძული ოდესღაც პოპულარული ადგილი იყო და მე-19 საუკუნის ბოლოს ელიტის დასასვენებელ ადგილად მიიჩნეოდა.

კუნძული Motu Orama, საფრანგეთი: 2.6 მილიონი აშშ დოლარი

ცნობილი როგორც Motu Orama, ეს მომხიბლავი ტროპიკული კუნძული ტაიტის საერთაშორისო აეროპორტიდან დაახლოებით 322 კმ-ში მდებარეობს. Private Islands Inc.-ის ინფორმაციით, ის დაახლოებით 2.6 მილიონ აშშ დოლარად იყიდება.

ტერიტორია გთავაზობთ განსაცვიფრებელ პეიზაჟებს, კრისტალურად სუფთა წყალს, ხელუხლებელ პლაჟებს და სახლს.

თითქმის 3,8 ჰექტარზე შესაძლებელია მარჯნის რიფების ნახვა. მოწყობილია სკუბა დაივინგის ცენტრები.

ჩამონათვალის მიხედვით, კუნძული არის „ბუნებრივი აკვარიუმი“, სადაც ყოველდღიურად შეგიძლიათ ნახოთ მანტას სხივები, ვეშაპები და დელფინები.

წყარო: loveproperty.com