გენიალური გამოგონებები, რამაც საკვების მომზადების გლობალური ბაზარი მთლიანად შეცვალა

შეიძლება არ გიფიქრიათ იმაზე, თუ როგორ გაჩნდა თქვენი საყვარელი ტექნიკა, გაჯეტები და საკვები, თუმცა ბევრ სამზარეულოსა და კულინარიულ გამოგონებას, რომელსაც ჩვენ ახლა ვიყენებთ, ნაკლებად დიდებული დასაწყისი ჰქონდა.

წარმოგიდგენთ გენიალურ გამოგონებებს, რომლებიც თავდაპირველად საზოგადოებამ არ მიიღო, თუმცა საბოლოო ჯამში მათ მთლიანად შეცვალეს საკვების მომზადების გლობალური ბაზარი და უფრო მეტიც - დღეს წარმოუდგენელია ოჯახი მათ გარეშე:

აეროგრილი

აეროგრილი ბოლო რამდენიმე წლის განმავლობაში ძალიან პოპულარული გახდა, თუმცა პოპულარობის მოსაპოვებლად მას გარკვეული დრო დასჭირდა.

ითვლება, რომ მსოფლიოში აეროგრილი გამოუშვა ამერიკულმა ბრენდმა Philips-მა 2010 წელს. ის შეიმუშავა და დააპატენტა ჰოლანდიელმა გამომგონებელმა ფრედ ვან დერ ვეიჯმა, რომელიც ეძებდა შემწვარი საკვების უფრო ჯანსაღ ალტერნატივას.

კონცეფცია მარტივი იყო: ცხელი ჰაერი ცირკულირებდა პატარა კამერებში და კონცენტრირდებოდა საკვებზე, რათა ის ხრაშუნა ყოფილიყო.

ბევრს უბრალოდ არ ესმოდა, რით განსხვავდებოდა ის სტანდარტული კონვექციური ღუმლისგან, რომელსაც ისინი ყოველდღიურად იყენებდნენ.

დღეს, აეროგრილი პოპულარულია მთელ მსოფლიოში, განსაკუთრებით მათ შორის, ვისაც სურს სივრცის დაზოგვა, ჯანსაღი საკვების მომზადება და ენერგიის ხარჯების დაზოგვა.

ტოსტერი

ტოსტერის კონცეფცია ახალი არ არის. თავად სიტყვა მომდინარეობს ლათინური სიტყვიდან tostum, რაც ნიშნავს დამწვრობას ან წვას. ელექტროენერგიაზე დიდი ხნით ადრე რომაელები ამ მეთოდს იყენებდნენ პურის შესანარჩუნებლად, ნაჭრებს ცეცხლზე გრძელი ჩანგლით წვავდნენ. მას შემდეგ, რაც რომაელებმა დაასრულეს თავიანთი დაპყრობები მთელს მსოფლიოში, დატოსტვის პოპულარობა მალევე გავრცელდა ევროპასა და ამერიკაში.

პირველ კომერციულ ტოსტერად ითვლება ფრენკ შაილორის მიერ 1909 წელს დაპატენტებული General Electric-ის D-12 ტოსტერი. პრობლემა ის იყო, რომ მანქანას შეეძლო ერთდროულად პურის მხოლოდ ერთი მხარის გაცხელება. მოგვიანებით Copeman Electric Stove Company-მა შემოიტანა "ტოსტერი“, რომელიც პურის ნაჭრის ორივე მხარეს აცხელებდა.

მიკროტალღური ღუმელი

1946 წელს, ცივ ომამდე ცოტა ხნით ადრე, ამერიკელ მეცნიერ პერსი სპენსერს სამხედროებმა დაავალეს შეემუშავებინა მაგნეტრონული ტექნოლოგია რადარის სიმძლავრის გაზრდის მიზნით. ეს მოწყობილობა ნატოს სჭირდებოდა ჰაერში საბჭოთა საფრთხეების გამოსავლენად. მაგრამ ექსპერიმენტის შუა გზაზე ის მიხვდა, რომ მაგნიტრონი ასხივებდა სითბოს გამომმუშავებელ მიკროტალღებს, რომელიც მის ჯიბეში შოკოლადის ფილას ადნობდა.

ერთი წლის და კიდევ რამდენიმე ექსპერიმენტის შემდეგ (კვერცხებითა და პოპკორნით), სპენსერმა გამოუშვა RadaRange - კომერციული მიკროტალღური ღუმელი, რომელიც იყენებდა მაგნეტრონის ელექტრომაგნიტურ ტექნოლოგიას.

მაგრამ კიდევ 20 წელი გახდა საჭირო, სანამ ტექნოლოგია პოპულარული გახდებოდა.

დაკონსერვებული საკვები

1795 წელს, საფრანგეთის რევოლუციური ომების დროს, ნაპოლეონ ბონაპარტმა და საფრანგეთის მთავრობამ დააწესეს 12000 ფრანკის ოდენობის პრიზი, ვინც არმიის ერთ-ერთი ყველაზე აქტუალურ პრობლემის გადაჭრიდა და ისეთ საკვების ისეთ შეფუთვას მოიფიქრებდა, რომელიც დიდხანს არ გაფუჭდებოდა.

ყველაფერი შეიცვალა, როდესაც საკონდიტრო მზარეულს ნიკოლას აპერტს გაუჩნდა რადიკალური იდეა, შეენახა პროდუქტები შამპანურის ბოთლებში. აპერტის მეთოდმა, რომელიც დაიხვეწა მომდევნო 14 წლის განმავლობაში, მოიპოვა პრიზი და მინის ქილებიდან გადავიდა თუნუქის ქილებზე.

ყავის აპარატი

ყავის დამზადება მნიშვნელოვნად შეიცვალა ბოლო 200 წლის განმავლობაში. პირველ „მანქანებს“ შორის იყო პერკოლატორი, რომელსაც ძირში მდუღარე წყლის ქვაბი ჰქონდა და ზემოდან ქურაზე გაცხელებული დაფქული ყავა. მაგრამ როდესაც მე-19 საუკუნეში, მთელ ევროპაში ყავის კულტურა განვითარდა, პროცესი ძალიან ნელი აღმოჩნდა მომხმარებლებისთვის.

1884 წელს იტალიელმა ანჯელო მორიონდომ გამოიგონა და დააპატენტა ის, რაც ითვლება პირველ ესპრესოს აპარატად. მაგრამ მიუხედავად იმისა, რომ მან ყავა სწრაფად მოამზადა, მორიონდოს გამოგონება არ გახდა პოპულარული. მე-20 საუკუნის დასაწყისისთვის, სხვა იტალიელებმა გააუმჯობესეს ფილტრაციისა და გათბობის მეთოდები უფრო სუფთა სასმლის წარმოებისთვის.

პლასტმასის კონტეინერები

1946 წელს მისი პირველი პროდუქტის დანერგვის შემდეგ, ბრენდი Tupperware გახდა საკვების შენახვის სინონიმი. გასაკვირია, რომ ყველაფერი საღებავებით დაიწყო.

დიდი დეპრესიის შემდეგ, ქიმიკოსი ტაპერი მუშაობდა პლასტმასის ქარხანაში, როდესაც მას გაუჩნდა იდეა შეექმნა ჰერმეტული შესანახი კონტეინერები. იდეა იყო დახმარებოდა "ომით დაღლილ ოჯახებს" საკვების ნარჩენების შემცირებაში და ასე გაჩნდა ჰერმეტული პლასტმასის კონტეინერების იდეა. მაგრამ მიუხედავად იმისა, რომ იდეა კარგად იქნა მიღებული მედიის მიერ, მომხმარებლებმა ის არ მიიღეს.

მოგვიანებით ბრენდმა დახვეწა კონტეინერები და მათმა წარმოებამ მთელი მსოფლიო დაიპყრო.

მაცივარი

მაცივარი ალბათ, ყველაზე გავლენიანი გამოგონებაა საკვებისა და სასმლის სამყაროში, მაგრამ მას თავიდანვე ხელგაშლილი არ შეხვდნენ.

ელექტროენერგიის და მაცივრის გამოგონებამდე ადამიანები საკვებს მიწის ქვეშ, ან ცივ ბუნებრივ ადგილებში ინახავდნენ.

ხელოვნური გაგრილების პირველი შემთხვევა თარიღდება 1748 წლით, როდესაც შოტლანდიელმა პროფესორმა და ექიმმა უილიამ კალენმა გაგრილების ტექნოლოგია წარადგინა.

1860-იან წლებში პირველმა საყინულემ ეს ტექნოლოგია რეალობად აქცია, შემდეგ კი 1913 წელს პირველი ელექტრო მაცივარი გამოჩნდა. ტექნოლოგიის მიღწევების წყალობით, მაცივარი გადაიქცა გამარტივებულ სამზარეულოდ.

ჩანგალი

ძნელი წარმოსადგენია, რომ იყო დრო, როცა ჩანგლები არაპრაქტიკულად ითვლებოდა. თუმცა, როდესაც ისინი პირველად გამოჩნდნენ, ბევრმა ვერ დაინახა ამ ხელსაწყოების უპირატესობა ხელებთან შედარებით, ალბათ იმიტომ, რომ თავდაპირველი დიზაინი მოიცავდა მხოლოდ ორ ცალ წყვილ კბილანას საკვების გასახვრეტად.

არსებობს მტკიცებულება, რომ ჩანგლები გამოიყენებოდა ჯერ კიდევ ძველი ბერძნების დროს, მაგრამ ამბობენ, რომ სუფრის ჩანგალი, როგორიც დღეს ვიცით, პოპულარული გახდა ბიზანტიის იმპერიის როს.

წყარო: msn.com