ტრამპის ოჯახმა კრიპტოპროექტი World Liberty დაისაკუთრა და 400 მლნ დოლარი მიიღო
მას შემდეგ, რაც კრიპტოპროექტ World Liberty Financial-მა 500 მლნ დოლარზე მეტი მიიზიდა, აშშ-ის პრეზიდენტ დონალდ ტრამპის ოჯახმა მასზე კონტროლი აიღო და 400 მლნ დოლარი გამოიმუშავა.
ინფორმაციას Reuters ავრცელებს.
World Liberty 2024 წლის შემოდგომაზე დაარსდა, რომლის მიზანიც კრიპტოვალუტის სახით ფინანსური სერვისების მიწოდებაა დეცენტრალიზებული ფინანსების (DeFi) მეშვეობით და ისეთი შუამავლების გარეშე, როგორიც ბანკებია. პროექტს ჯერ საჯარო პლატფორმა არ ჩაუშვია და მცირე გუნდი ჰყავს.
მარტში World Liberty-მ გამოაცხადა, რომ $WLFI-ის ტოკენების გაყიდვით 550 მლნ დოლარს მიიზიდავდა. ამ თანხის უმეტესი ნაწილი მას შემდეგ მიიღო, რაც ტრამპმა 2024 წლის ნოემბერში აშშ-ის საპრეზიდენტო არჩევნები მოიგო.
იანვარში World Liberty-ის მენეჯმენტი შეიცვალა. კერძოდ, თანადამფუძნებლები, ზაკ ფოლკმანი და ჩეიზ ჰერო ჩაანაცვლა კომპანიამ, რომელშიც ტრამპის ოჯახი აქციების 60%-ს ფლობს. შედეგად ტრამპის ოჯახმა ტოკენების გაყიდვიდან მიღებული შემოსავლის 75%-სა და World Liberty-ის საქმიანობიდან მიღებული შემოსავლის 60%-ზე უფლება მიიღო.
ამდენად, ტრამპის ოჯახს უფლება აქვს, ჰონორარის სახით, დაახლოებით, 400 მლნ დოლარი მიიღოს. მას შემდეგ, რაც World Liberty-ის თანადამფუძნებლები თავიანთ წილს მიიღებენ, კრიპტოვალუტის კომპანიას 550 მლნ დოლარის 5% დარჩება.
Reuters-ის ცნობით, მიზიდული თანხის 70% 100 000-დოლარიანი, ხოლო ინვესტიციების 50%-ზე მეტი მილიონდოლარიანი ან მეტი ოდენობის საფულეებიდანაა. ამასთან, მსხვილი ინვესტორების უმეტესობა ანონიმური რჩება.
მნიშვნელოვანი დაფინანსების მიუხედავადა, პლატფორმა, World Liberty შემუშავების ეტაპზეა. კომპანია საკრედიტო ბაზარ DeFi-ისა და პირადი საფინანსო აპლიკაციის ჩაშვებას გეგმავს. ასევე, დაგეგმილია, სტეიბლკოინ USD1-ის შექმნა, რომელიც ისეთი რეალური აქტივებით იქნება უზრუნველყოფილი, როგორიც აშშ-ის ობლიგაციებია.
მოამზადა ლადო სულაბერიძემ